ເມື່ອວັນທີ 11 ພຶດສະພາ 2017 ບີບີຊີລາຍງານວ່າມີການຂຸດພົບຫຼຸມຝັງສົບອາຍຸ 3,700 ປີທີ່ເຊື່ອວ່າເປັນຂອງທິດາຟາໂຣອົງໜຶ່ງຂອງອານາຈັກອິຢິບບູຮານໃນບໍລິເວນໃກ້ກັບຈຸດທີ່ຕັ້ງປິຣາມິດໃນປະເທດອິຢິບ
ທາງກະຊວງບູຮານວັດຖຸຂອງອິຢິບເປີດເຜີຍວ່າໄດ້ພົບຫຼຸມສົບທີ່ເປັນລັກສະນະກ່ອງໄມ້ສີ່ຫຼ່ຽມພ້ອມກັບອັກສອນໄຮເອໂຣກລີຟ ຫຼື ອັກສອນພາບບູຮານເທິງກ່ອງ ໃສຸສານຫຼວງດາຊູຣ ທາງພາກໃຕ້ຂອງນະຄອນຫຼວງໄຄໂຣ ໂດຍໃນກ່ອງດັ່ງກ່າວພົບໂຖຄາໂນປິກ 4 ໂຖເຊິ່ງເປັນໂຖທີ່ຈະໃຊ້ບັນຈຸອະໄວຍະວະຂອງຜູ້ຕາຍເຊິ່ງເຊື່ອວ່າເປັນທິດາຂອງຟາໂຣເອັມນິກາມ
ເມື່ອເດືອນກ່ອນ ນັກບູຮານຄະດີສຶກສາອັກສອນ 10 ບັນທັດທີ່ມີຊື່ຂອງຟາໂຣອົງດັ່ງກ່າວຢູ່ ນອກຈາກນີ້ຍັງຄົ້ນພົບເສດຈາກໂຮງຫີນ ໂດຍເຊື່ອວ່າເປັນຂອງຟາໂຣອົງດັ່ງກ່າວທີ່ຕັ້ງເລິກເຂົ້າໄປສຸສານປະມານ 600 ແມັດ
ສຸສານຫຼວງດາຊູຣແຫ່ງນີ້ຖືກສ້າງຂຶ້ນໂດຍກະສັດເນເຟຣູເມື່ອ 4,600 ປີທີ່ຜ່ານມາ ເຊິ່ງສຸສານແຫ່ງນີ້ຕັ້ງຢູ່ພານໃນປິຣາມິດແດງ ດຊິ່ງມີຄວາມສູງ 104 ແມັດ ແລະ ໄດ້ສ້າງປິຣາມິດອີກແຫ່ງທີ່ຊື່ວ່າ ປິຣາມິດຫັກງໍ ມີຄວາມສູງ 105 ແມັດ ແຕ່ບໍ່ສຳເລັດເນື່ອງຈາກປິຣາມິດເຮັດມຸມຊັນເກີນໄປຄື 45 ອົງສາ ຈິ່ງເຮັດໃຫ້ຕ້ອງປ່ຽນການກໍ່ສ້າງຈົນມີຮູບຮ່າງແປກຕາ
ຕໍ່ມາພຣະຣາຊາກຸມາຣດູຟູຂຶ້ນຄອງຣາດ ແລະ ໄດ້ກໍ່ສ້າງປິຣາມິດອີກແຫ່ງໂດຍຕັ້ງຊື່ວ່າ ກິຊາ ມີຄວາມສູງເຖິງ 138 ແມັດ ຍັງໄດ້ຈັດເປັນສິ່ງມະຫັດສະຈັນຂອງໂລກ
https://youtu.be/KrWpTcANeCQ
ແຫຼ່ງຂ່າວຈາກ: https://www.khaosod.co.th/sci-tech/news_343579
ຄລິບວິດີໂອຈາກ: ModernGalaxy