ຫຼາຍຄົນຄົງຄິດຢາກຈະເດິນທາງໄປອິຕາລີ່ຂຶ້ນມາທັນທີ ເມື່ອມື້ວານນີ້, ວັນທີ 11 ພຶດສະພາ 2017 ສຳນັກຂ່າວເດິກາດຽນລາຍງານວ່າ ລັດຖະບານທ້ອງຖິ່ນອິຕາລີ່ ໃນບ້ານບໍມິດາ ໃນລ້ອງພູຕອນເໜືອຂອງປະເທດ ສ້າງແຮງຈູງໃຈໃຫ້ຜູ້ທີ່ຈະຍ້າຍເຂົ້າໄປຢູ່ ຮັບໄປທັນທີ 2,000 ຢູໂຣ ຫຼື ປະມານ 18,000,000 ກີບ ໃນຂະນະທີ່ຄ່າເຊົ່າໃນເມືອງດັ່ງກ່າວກໍຍັງມີລາຄາຖືກພຽງ ປະມານ 470,000 ກີບຕໍ່ເດືອນເທົ່ານັ້ນ.
ທ່ານ ດານີເອເລ ກັນລິອາໂນ ປະທານຜູ້ບໍລິຫານເທສະບານດັ່ງກ່າວຍື່ນຂໍ້ສະເໜີນີ້ເພື່ອໃຫ້ຄົນເຂ້າມາຢູ່ອາໄສຫຼາຍຂຶ້ນ ຂະນະທີ່ເມືອງດັ່ງກ່າວມີປະຊາກອນພຽງແຕ່ 394 ຄົນເທົ່ານັ້ນ.
ມາຕະການດັ່ງກ່າວແມ່ນມີຂຶ້ນເພື່ອດຶງດູດຜູ້ຄົນເຂົ້າໄປອາໄສຢູ່ ເນື່ອງຈາກປະຊາກອນໄວໜຸ່ມພາກັນເດິນທາງໄປເຮັດວຽກຢູ່ໃນຕົວເມືອງໃຫຍ່ ເປັນຕົ້ນແມ່ນເມືອງຊາໂວນາ ເຊິ່ງເປັນເມືອງໃຫຍ່ທີ່ຕັ້ງຢູ່ໃກ້ທີ່ສຸດ ຈຶ່ງຢ້ານວ່າຕົວເມືອງນ້ອຍແຫ່ງນີ້ຈະກາຍເປັນເມືອງຮ້າງເມືອງຜີ.
ແຫຼ່ງຂ່າວ: ເດິກາດຽນ