ທ່ອງທ່ຽວກັບລາວໂພສຕ໌ ມື້ນີ້ແອັດຈະຊວນທຸກທ່ານມາຫຼິ້ນນ້ຳໃຫ້ຫາຍຮ້ອນທີ່ເມືອງ ທຸລະຄົມ ແຂວງ ວຽງຈັນ ເຊິ່ງສະຖານທີ່ທີ່ແອັດຈະມາພາມານັ້ນກໍ່ຄື “ສວນນໍ້າປ່າພູເຂົາຄວາຍ” ເປັນສະຖານທີ່ທ່ອງທ່ຽວແຫ່ງໃໝ່ທີ່ຫາກໍ່ເປີດໃຫ້ບໍລິການໃນໄລຍະບຸນປີໃໝ່ລາວທີ່ຜ່ານມາ.

ສວນນໍ້າປ່າພູເຂົາຄວາຍ ຕັ້ງຢູ່ ບ້ານພູເຂົາຄວາຍໃໝ່ ເມືອງທຸລະຄົມ ແຂວງວຽງຈັນ. ທາງໄປເຄື່ອນໄຟຟ້ານໍ້າມັງ3 ເສັ້ນທາງເຂົ້າໄປຫາສວນນໍ້າແມ່ນສະດວກສະບາຍ ເປັນທາງປູຍາງໄປຮອດສວນເລີຍ ແລະ ເປັນອີກສະຖານທີ່ທ່ອງທ່ຽວອີກແຫ່ງໜຶ່ງ ທີ່ຢູ່ບໍ່ໄກຈາກນະຄອນຫຼວງວຽງຈັນ ໃຊ້ເວລາໃນການເດີນທາງຈາກນະຄອນຫຼວງວຽງຈັນໄປຫາສວນນໍ້າປະມານ 1 ຊົ່ວໂມງກັບອີກ 30 ນາທີ ກໍ່ມາຮອດແລ້ວ ທ່ານສາມາດມາສຳພັດຄວາມມ່ວນຊື່ນກັບສະຖານທີ່ແຫ່ງນີ້ໄດ້ ເຊິ່ງເພິ່ນຈະເປີດໃຫ້ບໍລິການທຸກວັນເສົາ-ອາທິດ ເລີ່ມເວລາ 10:00-18:00 ໂມງ ຫາກທ່ານໃດມີເວລາກໍ່ລອງມາສຳພັດເບິ່ງ ຮັບຮອງວ່າບໍ່ຜິດຫວັງ.

ຂໍ້ມູນ ແລະ ຮູບພາບປະກອບຈາກ: ສວນນ້ຳປ່າພູເຂົາຄວາຍ