ແຈ້ງການ: ຈາກທະນາຄານແຫ່ງ ສປປ ລາວ ເລກທີ 252/ຫກ ນະຄອນຫຼວງວຽງຈັນ ລົງວັນທີ 27 ເມສາ 2017
ເລື່ອງ: ການເພີ່ມຄວາມມີສະຕິລະວັງຕົວ ເພື່ອຫຼີກການຕົກເລ່ກົນອຸບາຍໂຄສະນາຊວນເຊື່ອກ່ຽວກັບການລະດົມເງິນຝາກ ແລະ ການປ່ອຍສິນເຊື້່ອ ທີ່ໄດ້ຮັບຜົນຕອບແທນສູງ ຂອງບັນດາບໍລິສັດ ແລະ ບຸກຄົນບໍດີ.
ທະນາຄານແຫ່ງ ສປປ ລາວ ຂໍແຈ້ງເພື່ອໃຫ້ຊາບທົ່ວເຖິງກັນ ເພື່ອໃຫ້ມີສະຕິລະວັງຕົວຂຶ້ນ ກ່ຽວກັບປະກົດການຫຍໍ້ທໍ້ໃນສັງຄົມປັດຈຸບັນທີ່ມີກຸ່ມຄົນບໍ່ດີຄື: ບັນດາບໍລິສັດທີ່ບໍ່ແມ່ນສະຖາບັນການເງິນ ທີ່ບໍ່ໄດ້ຮັບການອະນຸຍາດຈາກທະນາຄານແຫ່ງ ສປປ ລາວໄດ້ເຄື່ອນໄຫວໂຄສະນາຊວນເຊື່ອປຸກລະດົມໃຫ້ປະຊາຊົນຮ່ວມລົງທຶນ ຫຼື ຮູບແບບລະດົມທຶນເອົາຝາກ ແລະ ປ່ອຍເງິນກູ້ ທີ່ມີການເຄື່ອນໄຫວ ໂຄສະນາຜ່ານສືສິ່ງພິມ ແລະ ສັງຄົມອອນລາຍຕ່າງໆໃນປັດຈຸບັນ ໂດຍອ້າງວ່າ: ຈະໄດ້ຜົນຕອບແທນສູງ ຫຼື ຈາກອັດຕາດອກເບ້ຍຕ່າງໆ. ຊຶ່ງທີ່ຜ່ານເຮັດໃຫ້ພໍ່ແມ່ປະຊາຊົນຈໍານວນຫຼວງຫຼາຍ ໂດຍສະເພາະແມ່ນຢູ່ເຂດທ້ອງຖິ່ນ ໄດ້ຫຼົງເຊື່ອຕໍ່ກົນອຸບາຍໂຄສະນາດັ່ງກ່າວ ຊຶ່ງສ້າງຄວາມບໍ່ສະຫງົບໃຫ້ແກ່ສັງຄົມ ແລະ ເສດຖະກິດຂອງປະເທດຊາດ.
ດັ່ງນັ້ນ ຕໍ່ໜ້າເພື່ອຕ້ານ ແລະ ສະກັດກັ້ນ ບໍ່ໃຫ້ມີບັນຫາແບບນີ້ເກີດຂຶ້ນ ທະນາູຄານແຫ່ງ ສປປ ລາວ ຈຶ່ງຂໍແຈ້ງມາຍັງທຸກທ່ານຊາບວ່າ: ປັດຈຸບັນ ສະຖາບັນການເງິນ (ທີ່ບໍ່ແມ່ນທະນາຄານທຸລະກິດ) ທີ່ໄດ້ຮັບອະນຸຍາດດໍາເນີນທຸລະກິດຮູບແບບດັ່ງກ່າວ ຢ່າງຖືກຕ້ອງຕາມລະບຽບກົດໝາຍ ຈາກທະຄານແຫ່ງ ສປປ ລາວ ມີທັງໝົດ 173 ແຫ່ງ ດັ່ງມີລາຍຊື່ດັ່ງລຸ່ມນີ້:
ແຫລ່ງຂໍ້ມູນຈາກ: ທະນາຄານແຫ່ງ ສປປ ລາວ