ທ່ອງທ່ຽວກັບລາວໂພສຕ໌ ມື້ນີ້ເຮົາເດີນທາງມາທີ່ເມືອງເຟອງ ແຂວງ ວຽງຈັນ ມາຊົມທິວທັດທຳມະຊາດ ແລະ ມາຫາແຫຼ່ງກະໂດດນ້ຳໃຫ້ຄາຍຄວາມຮ້ອນກັນໄປເລີຍ ເຊິ່ງແນ່ນອນວ່າເມື່ອມາຮອດເມືອງເຟືອງແລ້ວ ສະຖານທີ່ທ່ຽວທີ່ເຮົາພາດບໍ່ໄດ້ນັ້ນກໍ່ຄື ຜາຫຼວງ (Blue lagoon and resort)
ການເດີນທາງມາ ຜາຫຼວງ ພຽງແຕ່ທ່ານຂັບລົດອອກຈາກເມືອງວັງວຽງໄປທາງ ຜາເງິນ ທ່ານກໍ່ຈະມາເຖິງ (Blue lagoon and resort) ເຊິ່ງສະຖານທີ່ແຫ່ງນີ້ເປັນອີກໜຶ່ງສະຖານທີ່ທີ່ໄດ້ຮັບຄວາມນິຍົມສູງຈາກນັກທ່ອງທ່ຽວທັງພາຍໃນ ແລະ ຕ່າງປະເທດ ເພາະນອກຈາກຈະສະດວກສະບາຍທາງດ້ານສະຖານທີ່ພັກອາໃສແລ້ວ ເລື່ອງອາຫານການກິນກໍ່ບໍ່ຂາດເຂີນ ແລະ ຍັງມີກິດຈະກຳຫຼາຍຢ່າງໄວ້ໃຫ້ເລືອກຫຼິ້ນຢ່າງເຕັມອີ່ມເຊັ່ນ: ຂີ່ສະລິງ, ຫຼິ້ນນ້ຳ, ປີນພູ ແລະ ອື່ນໆ ຖ້າໃຜມັກຄວາມມັນແບບທ້າທາຍ ຮັບຮອງວ່າ ຜາຫຼວງ ມີຄຳຕອບທີ່ດີທີ່ສຸດໃຫ້ທ່ານ.
ເອົາເປັນວ່າເຮົາບໍ່ເວົ້າຫຍັງຫຼາຍ ມາເບິ່ງຮູບພາບງາມໆນຳກັນເລີຍ
ຮູບພາບປະກອບຈາກ: ໂນ່ ພຸດທະສັກ