(SpaceX) ບໍລິສັດເທັກໂນໂລຢີລາຍໃຫຍ່ປະກາດສົ່ງດາວທຽມ 4,425 ດວງຂຶ້ນສູ່ອາວະກາດເພື່ອໃຊ້ກະຈາຍສັນຍານອິນເຕີເນັດຄວາມໄວສູງໄປທົ່ວໂລກ ໂດຍຈະເລີ່ມດຳເນີນການຕາມແຜນຕັ້ງແຕ່ປີ ຄ.ສ 2019-2024 

ໂດຍສະເປຊເອັກຊ໌ ວາງແຜນຈະສົ່ງ “ດາວທຽມຕົ້ນແບບ” ຂຶ້ນສູ່ອາວະກາດໃນປີນີ້ ແລະ ອີກດວງໃນປີຕໍ່ໄປ ກ່ອນທີ່ຈະເລີ່ມຕົ້ນສົ່ງດາວທຽມຂອງແທ້ຂຶ້ນຟ້າໃນປີ 2019 ເຊິ່ງລະບົບທີ່ຈະໃຊ້ໃນໄລຍະເລີ່ມຕົ້ນແມ່ນ Ka Band ແລະ Ku Band ສະເປດຕຣັມ ເຫດທີ່ເປັນແບບນັ້ນ ເພາະມັນໄດ້ຮັບການອອກແບບໃຫ້ສາມາດກະຈາຍສັນຍານບຣອດແບນໄດ້ໃນວົງກວ້າງ ເພື່ອຮອງຮັບການໃຫ້ບໍລິການສື່ສານໂທລະຄົມສຳລັບຜູ່ບໍລິໂພກທົ່ວໄປ ຈົນເຖິງການໃຊ້ງານໃນຮູບແບບທຸລະກິດ ຫຼື ການໃຊ້ງານຂອງສະຖາບັນການສຶກສາ ໜ່ວຍງານພາກລັດ ແລະ ການໃຊ້ງານຂອງລະດັບມືອາຊີບ. ໂດຍການສ້າງເຄືອຂ່າຍດັ່ງກ່າວມີກຳນົດສຳເລັດໃນປີ 2024.

ໂດຍທາງສະເປຊເອັກຊ໌ຢືນຢັນວ່າ ລະບົບດັ່ງກ່າວຈະປະຢັດຄ່າໃຊ້ຈ່າຍລົງໄດ້ຫຼາຍ ແລະ ໃຫ້ບໍລິການດ້ວຍຄຸນນະພາບລະດັບດຽວກັບສາຍໄຟເບີຣ ຫຼື ຄິດເປັນແບບ 1Gbps ເຊິ່ງຜູ້ທີ່ຢູ່ໃນພາກພື້ນດິນສາມາດຮັບສັນຍານໄດ້ດ້ວຍເຄື່ອງເທີມິນໍລ ຂະໜາດເທົ່າແລັບທັອບເທົ່ານັ້ນ.