ຕາມການລາຍງານຂອງ ທ່ານ ສົມບູນ ເກີດກອງ ຮອງຫົວໜ້າພະແນກທິການ ແລະ ຂົນສົງ ແຂວງບໍ່ແກ້ວ ໃນວັນທີ 3 ພຶດສະພາ 2017 ທີ່ຜ່ານມາໃຫ້ຮູວ່າ: ໂຄງການຂະຫຍາຍ ເສັ້ນທາງ 4 ເລນຈາລະຈອນ ແມ່ນມີຄວາມຍາວ 2,425 ແມັດ, ຄວາມກວ້າງທັງສອງເບື້ອງລະ 10,30 ແມັດ, ໜ້າທາງກວ້າງ 8,80 ແມັດ ທາງຢາງ 1,50 ແມັດ, ລວມມູນຄ່າການ ກໍ່ສ້າທັງໝົດ 58 ຕື້ກວ່າກີບ. ຄາດວ່າຈະສຳເລັດ ການກໍ່ສ້າງໃນຕົ້ນ ເດືອນມັງກອນ 2019. ພາຍຫລັງກໍ່ສ້າງສຳເລັດແລ້ວ ເສັ້ນທາງດັ່ງກ່າວ ຈະເອື້ອອຳນວຍຄວາມສະດວກ ໃຫ້ແກ່ການສັນຈອນໄປມາ ຂອງພໍ່ແມ່ປະຊາຊົນ ກໍຄື ການຂົນສົ່ງສິນຄ້າ ລະຫວ່າງ ພາຍໃນ ແລະ ຕ່າງປະເທດເປັນຢ່າງດີ.
ໂຄງການກໍ່ສ້າງ–ຂະຫຍາຍເສັ້ນທາງ ຈາກ 2 ເລນ ມາເປັນ 4 ເລນ ແຕ່ຫໍຫລັກເມືອງ ຫາ ສາມແຍກທາງຂຶ້ນ ສະໜາມບິນຫ້ວຍຊາຍ ມີຄວາມຄືບໜ້າ 14,76%ຫລັງຈາກ ໄດ້ເລີ່ມກໍ່ສ້າງ ມາແຕ່ວັນທີ 1 ມັງກອນ 2017 ມາຮອດປັດຈຸບັນ ແມ່ນສຳເລັດການວ່າງທໍ່ ລະບາຍນ້ຳຈຳນວນໜຶ່ງ ແລະ ພວມຍັງຢູ່ລະຫວ່າງ ວາງການທັບມ້າງ ສິງກີດຂວາງເຊັນ: ຍ້າຍເສົ້າໄຟຟ້າ, ສາຍໂທລະສັບ, ທໍ່ນ້ຳປາປາ, ເຮືອນ, ຮ້ານ, ເສົ້າໄຟເຍືອງທາງ ແລະ ອື່ນໆ.
ແຫລ່ງຂ່າວຈາກ: kpl.gov.la