spot_img
Homeຂ່າວພາຍ​ໃນຂໍທານໃນວຽງຫຼາຍຂຶ້ນ ສັງຄົມຖາມ: ໜ່ວຍງານໃດຮັບຜິດຊອບ?

ຂໍທານໃນວຽງຫຼາຍຂຶ້ນ ສັງຄົມຖາມ: ໜ່ວຍງານໃດຮັບຜິດຊອບ?

Published on

ວັນທີ 4 ພຶດສະພາ 2017 ນີ້ ນັກຂ່າວລາວໂພສໄດ້ລາຍງານວ່າ ໄດ້ຮັບການຮ້ອງຮຽນຈາກເຈົ້າຂອງຮ້ານກາເຟແຫ່ງໜຶ່ງ ໃນບໍລິເວນແຄມຂອງວ່າ ປັດຈຸບັນນີ້ໄດ້ມີຄົນຂໍທານຈຳນວນຫຼາຍ ແລະໄດ້ສ້າງຄວາມລຳຄານ ຫຼືລົບກວນນັກທ່ອງທ່ຽວ ເຮັດໃຫ້ເສຍບັນຍາກາດໃນການພັກຜ່ອນແລະທ່ອງທ່ຽວ ພ້ອມທັງຍັງເປັນພາບພົດທີ່ບໍ່ດີຕໍ່ປະເທດລາວອີກດ້ວຍ.

ເຈົ້າຂອງຮ້ານກາເຟດັ່ງກ່າວໄດ້ລາຍງານຕໍ່ນັກຂ່າວພວກເຮົາວ່າ: “ບັນຫາຄົນຂໍທານແມ່ນມີມາດົນແລ້ວ ແຕ່ກໍບໍ່ຫຼາຍຄືດຽວນີ້. ເມື່ອກ່ອນມີ 3-4 ຄົນ ສ່ວນຫຼາຍກໍແມ່ນຄົນໃບ້ບ້າເສຍຈິດ ຫຼືບໍ່ກໍແມ່ນຄົນພິການ ແຕ່ດຽວນີ້ຄົນທີ່ມີອົງຄະສົມບູນກໍຍັງມາຂໍທານ, ຕົນເຄີຍຖາມຄົນຂໍທານວ່າ ເປັນຫຍັງບໍ່ໄປຊອກເຮັດວຽກ ຄຳຕອບຂອງຄົນຂໍທານແມ່ນໄດ້ເງິນດີກວ່າ. ຄົນຂໍທານມີທັງຄົນລາວທີ່ຢູ່ໃນນະຄອນຫຼວງວຽງຈັນ, ຄົນຕ່າງແຂວງ ແລະຄົນຕ່າງດ້າວ ແຖມໜ້າມຶນກວ່າເກົ່າອີກ ຂໍທານມາເປັນກຸ່ມ ກຸ່ມລະ 4-5 ຄົນກໍມີ ຕ້ອງໄດ້ເງິນຄົບທຸກຄົນຈຶ່ງອອກຮ້ານໄລ່ໜີກໍບໍ່ໜີ, ມີລູກຄ້າຕ່າງຊາດຫຼາຍຄົນຖາມວ່າ ປະເທດລາວບໍ່ມີກົດໝາຍຄວບຄຸມບໍ? ແລ້ວຕໍາຫຼວດລາວຫຼືລັດຖະບານບໍ່ເຮັດຫຍັງເລີຍຫວາ? ຂ້ອຍໄດ້ແຕ່ຢືນຟັງບໍ່ຮູ້ຊິຕອບ ເປັນຫ່ວງເພາະລູກຄ້າມີທັງນັກຂຽນ ນັກຂ່າວ ຕ່າງປະເທດ. ຈຶ່ງຢາກຖາມວ່າ ດຽວນີ້ແມ່ນໜ່ວຍງານໃດຮັບຜິດຊອບ? ຖ້າມີບັນຫາເກີດຂຶ້ນໄລ່ບໍ່ໜີ ກໍ່ກວນ ໂທແຈ້ງໄປພາກສ່ວນໃດໄດ້ແນ່ ເບີໂທເບີໃດ? ເລື່ອງຂໍທານມາເລາະຂໍເງິນປະຊາຊົນນີ້ຜິດກົດໝາຍຫຼືບໍ່ ຖ້າຜິດ ຂໍ້ໃດແດ່ມາດຕາໃດ? ແລ້ວທາງຂັ້ນເທິງໄດ້ມີມາຕະການແກ້ໄຂແນວໃດແລ້ວ? ໄດ້ລົງມືປະຕິບັດຫຼືຍັງ ຮອດຂັ້ນໃດແລ້ວ?”.

ຕາມການສັງເກດຂອງນັກຂ່າວເຮົາ ພົບວ່າປັດຈຸບັນນີ້ຄົນຂໍທານທີ່ມີອົງຄະສົມບູນ ແຂງແຮງດີ ນັບມື້ນັບຫຼາຍຂຶ້ນ ໂດຍແບ່ງກັນຍ່າງເລາະຂໍທານໄປທັງສອງຟາກທາງ ຕາມແຕ່ລະເສັ້ນທາງ ທົ່ວນະຄອນຫຼວງວຽງຈັນ ແລະມີຫຼາຍກວ່າໝູ່ແມ່ນເຂດແຄມຂອງ ເນື່ອງຈາກເປັນເຂດທ່ອງທ່ຽວແລະກິນດື່ມ ທີ່ມີນັກທ່ອງທ່ຽວທັງລາວແລະຕ່າງປະເທດຈຳນວນຫຼາຍ.

ນັກທ່ອງທ່ຽວຜູ້ໜຶ່ງໄດ້ກ່າວຄວາມຮູ້ສຶກຂອງຕົນຕໍ່ສະພາບຄົນຂໍທານແຖວແຄມຂອງວ່າ: ຕົນເອງຈົນບໍ່ຢາກໄປຫລິ້ນແຖວນັ້ນແລ້ວ ເພາະລຳຄານຄົນຂໍທານ ຖ້າບໍ່ໃຫ້ເງິນພັດບໍ່ສະບາຍໃຈ ຫຼືບໍ່ເຂົາເຈົ້າກໍບໍ່ຍອມໜີ ຄັນຊິໃຫ້ພັດຕ້ອງໃຫ້ຄົບທຸກຄົນ…

ຈຳນວນຄົນຂໍທານໃນນະຄອນຫຼວງວຽງຈັນ ເພິ່ມຂຶ້ນຫຼາຍ ເຊິ່ງມີທັງແມ່ຍິງ, ເດັກນ້ອຍ ແລະຜູ້ຊາຍ ທີ່ມີອົງຄະສົມບູນ ແລະແຂງແຮງ. ເປົ້າໝາຍຂໍທານແມ່ນນັກທ່ອງທ່ຽວ. ໃນຂະນະທີ່ສັງຄົມຖາມຫາພາກສ່ວນທີ່ຮັບຜິດຊອບ
ຈຳນວນຄົນຂໍທານໃນນະຄອນຫຼວງວຽງຈັນ ເພິ່ມຂຶ້ນຫຼາຍ ເຊິ່ງມີທັງແມ່ຍິງ, ເດັກນ້ອຍ ແລະຜູ້ຊາຍ ທີ່ມີອົງຄະສົມບູນ ແລະແຂງແຮງ. ເປົ້າໝາຍຂໍທານແມ່ນນັກທ່ອງທ່ຽວ. ໃນຂະນະທີ່ສັງຄົມຖາມຫາພາກສ່ວນທີ່ຮັບຜິດຊອບ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...