ໃນປະຈຸບັນ ຄົນເຮົາຕ່າງກໍເຮັດວຽກໜັກ ຈົນອາດລືມທີ່ຈະດູແລເບິ່ງແບງສຸຂະພາບຂອງຕົນເອງ ເຊິ່ງພະຍາດທີ່ມັກເວົ້າເຖິງ ແລະພົບເຫັນຢູ່ຕະຫຼອດໃນກຸ່ມແມ່ຍິງຍຸກໃໝ່ ແລະເປັນພະຍາດທີ່ຄວນໃຫ້ຄວາມສົນໃຈກໍຄື ພະຍາດ “ມະເຮັງເຕົ້ານົມ” ເຊິ່ງຄົນທີ່ເປັນພະຍາດນີ້ກໍມີສັນເຕືອນໃນຮ່າງກາຍດັ່ງນີ້:
- ຈັບເບິ່ງນົມ ແລະພົບວ່າ ມີກ້ອນຢູ່ເຕົ້ານົມ ຫຼືຮັກແຮ້
- ຮູບຮ່າງ ຫຼືຂະໜາດຂອງເຕົ້ານົມປ່ຽນແປງ ຜິດຈາກຮູບເດີມ
- ຜິວໜັງບໍລິເວນເຕົ້ານົມ ມີຮອຍແຫ່ວ ຫຼືມີຮອຍແຫ່ວບູ້ມຄືກັບເປືອກໝາກກ້ຽງ
- ນໍ້ານົມໄຫຼຜິດປົກກະຕິເຊັ່ນ: ອອກຈາກຫົວນົມເບື້ອງດຽວ ຫຼືເປັນສີຄ້າຍຄືກັບເລືອດ
- ເຈັບຜິດປົົກກະຕິບໍລິເວນເຕົ້ານົມ ທີ່ບໍ່ແມ່ນຊ່ວງເປັນປະຈໍາເດືອນ
ຫວັງວ່າເມື່ອສາວໆໄດ້ອ່ານບົດຄວາມນີ້ແລ້ວ ຈະຊ່ວຍໃຫ້ສາວໆ ຫັນມາໃສ່ໃຈເບິ່ງແຍງສຸຂະພາບ ຄອຍສັງເກດຕົວເອງ ໝັ່ນກວດເບິ່ງເຕົ້ານົມເປັນປະຈຳ ແລະໄປພົບແພດໝໍ ເມື່ອມີອາການທີ່ໜ້າສົງໄສ