Homeຂ່າວຕ່າງປະເທດຮ້ານ​ອາຫານ​ໃນ​ຈີນ​ເລີ່ມ​ໃຊ້​ຫຸ່ນ​ປຸ່ງແຕ່ງ ແລະ ​ເສີບອາຫານ

ຮ້ານ​ອາຫານ​ໃນ​ຈີນ​ເລີ່ມ​ໃຊ້​ຫຸ່ນ​ປຸ່ງແຕ່ງ ແລະ ​ເສີບອາຫານ

Published on

 

 

178019

                  ຮ້ານ​ອາຫານ​ແຫ່ງ​ໜຶ່ງ​ໃນ Kunshan ປະເທດ​ຈີນ ໄດ້​ນຳ​ເອົາ​ຫຸ່ນ​ມາ​ໃຊ້​ງານ​ພາຍ​ໃນ​ຮ້ານ ໂດຍຫຸ່ນມັນ​ສາມາດ​ກ່າວ​ທັກ​ທາຍ​ລູກ​ຄ້າ ຈາກ​ນັ້ນ​ກໍ່ຮັບ​​ສັ່ງອາຫານ​ ແລະ ​ສົ່ງ​ຂໍ້​ມູນ​​ໄປ​ທີ່ເຮືອນຄົວ ລວມ​ທັງ​ຍົກ​ອາຫານ​ມາ​ເສີບ​ທີ່​ໂຕະ​ລູກ​ຄ້າ​ທັນ​ທີ​ທີ່​ປຸງ​ສຳເລັດແລ້ວ  ການໃຊ້​ງານ​ຫຸ່ນນັ້ນ ເບື້ອງ​ຕົ້ນ​ນັ້ນ​ອາດຈະ​ຍັງ​ເບິ່ງ​ບໍ່​ໜ້າ​ຕື່ນ​ເຕັ້ນ​ປານໃດ ເພາະ​ໃນ​ບາງປະເທດ​ກໍ່​ມີ​ການ​ນຳ​ເອົາຫຸ່ນ​​ມາ​ໃຊ້​ໃນ​ຮ້ານ​ອາຫານຊື່​ດັ່ງ​ເຊັ່ນ​ກັນ ແຕ່​​ຮ້ານ​ອາຫານ​ໃນ​ເມືອງ​ຈີນ​ແຫ່ງ​ນີ້​ຍັງມີ​ການ​ໃຊ້​ຫຸ່ນ​​ໃນ​ການ​ປະກອບ ອາຫານ​ຈຳ​ພວກ​ຂົ້ວ​ຜັກ ​ແລະ ຂົ້ວຊີ້ນ​​ຕ່າງໆນຳອີກ

Song Yugang ຜູ້​ກໍ່​ຕັ້ງ​ຮ້ານ​ອາຫານ​ດັ່ງ​ກ່າວ​ເລົ່າ​ເຖິງ​ທີ່​ມາ​ຂອງ​ການ​ໃຊ້​ຫຸ່ນ ​ໃນ​ຮ້ານ​ຂອງ​ເຂົາ​ວ່າ ເກີດ​ຈາກ​ການ​ທີ່​ລູກ​ສາວ​ຂອງ​ເຂົາ​ຂໍຮ້ອງ​ໃຫ້​ເຂົາ​ສ້າງ​ຫຸ່ນ​ຂຶ້ນ​ມາ​ເພື່ອ​ຊ່ວຍ​ເຮັດວຽກເຮືອນ (ເພາະ​ນາງ​ຂີ້-ຄ້ານ​ເຮັດ) ແຕ່​ແທນ​ທີ່​ຈະ​ສ້າງ​ຫຸ່ນ​ຂຶ້ນ​ມາ​ໃຊ້ວຽກ​ງານ​ໃນ​ເຮືອນ​ລ້າໆ ເຂົາກັບ​ເບິ່ງ​ວ່າ​ເຂົາ​ສາມາດ​ເຮັດ​ເງີນ​ຈາກ​ບ່ອນ​ນີ້​ໄດ້ ຈຶ່ງ​ຕັດ​ສິນ​ໃຈ​ນຳ​ຫຸ່ນ​​ມາ​ໃຊ້​ວຽກໃນ​ຮ້ານ​ອາຫານ​ນັ້ນ​ເອງ

ພາຍໃນຮ້ານ​ຂອງເຂົາມີ​ຫຸ່ນ​ 2ໂຕ​ຄອຍຖ້າ​ທັກ​ທາຍ​ລູກ​ຄ້າ ໃນ​ຂະນະ​ທີ່​ຫຸ່ນ​ອີກ 4ໂຕ​ຮັບ​ຫນ້າທີ່​ເສິບ​ອາຫານ ແລະ ​ມີ​ຫຸ່ນ​ຂະໜາດ​ໃຫຍ່​ອີກ 2ໂຕ​ໄວ້​ເຮັດວຽກ​ໃນ​ເຮືອນຄົວເຂົາບອກວ່າ​ພວກ​ຫຸ່ນ​​ເຫລົ່າ​ນີ້​ສາມາດ​ເຂົ້າໃຈ​ປະໂຫຍກການສົນທະນາ​ໃນ​ຊີວິດ​ປະຈຳວັນ​ໄດ້​ປະມານ 40 ປະ​ໂຫຍກ, ​ຕົ້ນ​ທືນ​ໃນ​ການສ້າງ​ຫຸ່ນ​ແຕ່​ລະ​ໂຕຢູ່​ທີ່​ປະ​ມານ 40, 000 ຫຍວນ (ປະມານ 50 ລ້ານກີບ) ຊຶ່ງ​ໃກ້​ຄຽງ​ກັບ​ຄ່າ​ຈ້າງ​ຕະຫລອດ​ປີ​ຂອງພະ​ນັກ​ງານ 1 ຄົນ (ແຕ່ເຂົາກັບເບິ່ງ​ວ່າ​ຫຸ່ນ​ຍົນມີ​ຂໍ້​ດີ​ບ່ອນ​ທີ່​ມັນ​ບໍ່​ຮຽກຮ້ອງ​ມື້​ລາ​ພັກ ແລະ ​ບໍ່​ເຈັບ​ປ່ວຍ)

ປະ​ເດັນ ການ​ໃຊ້​ຫຸ່ນໃນການ​ເຮັດວຽກ​ແທນ​ການ​ຈ້າງຄົນ​ນີ້​ ນອກ​ຈາກ​ຊ່ວຍ​ປະ​ຢັດ​ຄ່າ​ໃຊ້​ຈ່າຍ​ແລ້ວ ຍັງ​ຖື​ໄດ້​ວ່າ​ມັນ​ຈຸດ​ຂາຍ​ໃຫ້​ແກ່​ຮ້ານ ແລະ​ ເປີດ​ຊ່ອງ​ທາງ​ໃນການເຮັດເງິນ ຈາກ​ການ​ພັດທະນາ​ຫຸ່ນ​​ນີ້​ຕໍ່ໄປ​ໃນ​ອະນາຄົດ​ອີກ​ດ້ວຍ ໂດຍ​ຕັ້ງ​ແຕ່​ປີ​ກາຍນີ້​ຈີນ​ໄດ້​ແຊງ​ຍີ່​ປຸ່ນ​ຂຶ້ນ​ເປັນ​ປະເທດ​ທີ່​ມີ​ການ​ໃຊ້​ງານ​ຫຸ່ນ​ ແທນ​ແຮງ​ງານ​ຄົນ​ຫລາຍ​ທີ່ສຸດ​ໃນ​ໂລກ

178022

178021

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...