ເມື່ອທ້າຍອາທິດຜ່ານມານີ້ ເຈົ້າໜ້າທີ່ ປກສ ເມືອງຈັນທະບູລີ ໄດ້ມ້າງແກ໊ງມົ້ວສຸມຢາເສບຕິດ ຢູ່ເຮືອນຫ້ອງ
ແຖວຫລັງໜຶ່ງ ໃນເຂດບ້ານດອນແດງ ເມືອງຈັນທະບູລີ ນະຄອນຫຼວງວຽງຈັນ, ຈັບຜູ້ເສບຢາບ້າໄດ້ທັງໝົດ
19 ຄົນ, ໃນຈຳນວນນີ້ ມີນາງ ສົມພະລັກ ອາຍຸ 36 ປີ, ນາງ ອໍລະໄທ ອາຍຸ 31 ປີ ແລະ ທ້າວສອນໄຊ ອາຍຸ 32 ປີ
ເຊິ່ງພັກເຊົາຢູ່ຫ້ອງແຖວດັ່ງກ່າວ ເປັນຜູ້ຂາຍຢາບ້າໃຫ້ກັບແກ໊ງມົ້ວສຸມນີ້ ແລະ ພາຍຫລັງເຈົ້າໜ້າທີ່ກວດຄົ້ນ
ໃນຫ້ອງ ພົບຢາບ້າເກືອບຮ້ອຍເມັດ, ເຈົ້າໜ້າທີ່ຈຶ່ງຍືດໄວ້ເປັນຫລັກຖານໃນການດຳເນີນຄະດີ ຜູ້ຕ້ອງຫາທັງ
ສາມຕາມລະບຽບກົດໝາຍ.
ສ່ວນຊາວໜຸ່ມທີ່ເສບຢາ 16 ຄົນ ຖືກເຈົ້າໜ້າທີ່ນຳມາສຶກສາອົບຮົມຢູ່ຫ້ອງການ ປກສ ກຸ່ມ 5 ໜອງທາ ໂດຍ
ໄດ້ເນັ້ນໃຫ້ຊາວໜຸ່ມດັ່ງກ່າວເຫັນໄດ້ຜົນຮ້າຍຂອງຢາເສບຕິດ ເຊິ່ງຜະລິດຂຶ້ນຈາກສານເຄມີອັນຕະລາຍເມື່ອ
ເສບ ຫລື ສັກເຂົ້າສູ່ຮ່າງກາຍກໍຈະມີຜົນກະທົບຮ້າຍແຮງຕໍ່ປະສາດ ແລະ ຜູ້ທີ່ມີໄວ້ຄອບຄອງເພື່ອເສບ ຫລື
ຈຳໜ່າຍຕ້ອງຖືກດຳເນີນຄະດີຕາມລະບຽບກົດໝາຍ.
ຂອບໃຈຂ່າວຈາກ: http://laophatthananews.blogspot.com/2014/08/blog-post_22.html