ເວັບໄຊ໌ຂ່າວຂອງສະເປນລາຍງານວ່າ ເມື່ອວັນທີ 27 ກຸມພາທີ່ຜ່ານມາ ທີ່ເມືອງ ບາເຊໂລນ່າ ປະເທດ ສະເປນ ໄດ້ມີການເປີດສະຖານບໍລິການທາງເພດຮູບແບບໃໝ່ ໃຫ້ບໍລິການສຳລັບພໍ່ບ້ານໃຈກ້າ ຫຼື ຜູ້ບ່າວໂສດອາລົມປ້ຽວ ໄດ້ລອງໃຊ້ບໍລິການທາງເພດດ້ວຍຕຸກກະຕາຢາງສາວສຸດເຊັກຊີ່ ເຖິງ 4 ແບບ 4 ສະໄຕລ ນີ້ຖືວ່າເປັນສະຖານບໍລິການທາງເພດແຫ່ງທຳອິດໃນທະວີບຢຸໂຣບທີ່ໃຫ້ການບໍລິການດ້ວຍຕຸກກະຕາຢາງ ສຳລັບຄ່າບໍລິການນັ້ນຕົກຢູ່ທີ່ 80 ຢູໂຣ ຫຼື ປະມານຫຼາຍກວ່າ 700,000 ກີບ ຕໍ່ຄັ້ງ

ລາຍງານລະບຸວ່າຕຸກກະຕາຢາງຂອງສະຖານບໍລິການທີ່ມີຊື່ວ່າ “ລູມິດໍຣ” ໃນອາພາດເມັ້ນໃຈກາງເມືອງ ບາເຊໂລນ່າ ຜະລິດຂຶ້ນດ້ວຍ “ເທຣໂມພລາສຕິກ ອີລາສໂທເມີຣ” ຕຸກກະຕາແຕ່ລະຕົວຈະນຸ້ມນວນຄ້າຍຜິວໜັງມະນຸດ ແລະ ມີແຂນຂາທີ່ເໜັງຕີງໄດ້ຕາມຫຼັກສະລິລະຮ່າງກາຍຂອງຄົນ ແລະ ເປັນຕຸກກະຕາຢາງແບບດຽວກັນທີ່ໄດ້ຮັບຄວາມນິຍົມຢ່າງສູງໃນຍີ່ປຸ່ນ ແລະ ຈີນ

ລູກຄ້າຂອງ “ລູມິດໍຣ” ສາມາດເລືອກຕຸກກະຕາສາວໄດ້ 4 ແບບ 4 ສະໄຕລ ບໍ່ວ່າຈະເປັນ ລີລີ ສາວເອເຊຍ ສູງ 161 ຊັງຕີແມັດ ທີ່ມີປາກອີ່ມເອີບ ແລະ ມີດວງຕາສີຟ້າ, ນອກຈາກນັ້ນຍັງມີ ໄລຊາ ສາວ ແອຟຣິກາ ຜິວວສີແທນ ສູງ 168 ຊັງຕີແມັດ ແລະ ອາກິ ສາວຜົມສີຟ້າເໝືອນກັບຫຼຸດອອກມາຈາກໜັງສືກະຕຸນຂອງຍີ່ປຸ່ນ ຫຼື ຈະເປັນ ເຄທີ ສາວຜົມສີບລອນ ສູງ 170 ຊັງຕີແມັດ ໂດຍລູກຄ້າຈະສາມາດເລືອກໄດ້ວ່າຈະໃຫ້ຕຸກກະຕາສາວນັ້ນແຕ່ງຕົວແບບໃດກໍ່ໄດ້

ລາຍງານຍັງລະບຸອີກວ່າ ລູກຄ້າຈະໄດ້ພົບກັບຕຸກກະຕາສາວທີ່ເລືອກຢູ່ໃນຫ້ອງສ່ວນຕົວທີ່ໃຫ້ແສງສະຫວ່າງດ້ວຍທຽນໄຂ ພ້ອມມີສຽງເພງເລົ້າໂລມ ແລະ ສາມາດເບິ່ງໂທລະພາບພລາສມາຂະໜາດໃຫຍ່ພ້ອມຄອນເທນສພລັບຜູ້ໃຫຍ່ໃຫ້ເລືອກຊົມ ໂດຍເວັບໄຊຂອງ “ລູມິດໍຣ” ລະບຸວ່າ ລູກຄ້າແນ່ໃຈໄດ້ເຖິງຄວາມສະອາດ ເນື່ອງຈາກຕຸກກະຕາທຸກຕົວຈະຖືກທຳຄວາມສະອາດ ແລະ ຂ້າເຊື້ອຫຼັງໃຊ້ງານທຸກຄັ້ງ ແລະ ແນະນຳໃຫ້ໃສ່ຖົງຢາງອານະໄມກ່ອນມີເພດສຳພັນທຸກຄັ້ງ.