ສຳນັກຂ່າວຕ່າງປະເທດລາຍງານເມື່ອວັນທີ 17 ເມສາ 2017 ຜ່ານມາວ່າ ທ່ານນາງ ປາກກືນເຮ ອະດີດປະທານາທິບໍດີເກົາຫຼີໃຕ້ ເຊິ່ງໄດ້ສ້າງປະຫວັດຕິສາດໃນຖານະ ປະທານາທິບໍດີ ທີ່ມາຈາກການເລືອກຕັ້ງຄັ້ງທຳອິດ ແລະເປັນປະທານາທິບໍດີຄົນທຳອິດ ທີ່ຖືກຖອດຖອນອອກຈາກຕຳແໜ່ງ ຖືກຕັ້ງຂໍ້ຫາຮັບສິນບົນຢ່າງເປັນທາງການ ໃນກໍລະນີທີ່ປ່ອຍໃຫ້ນາງ ຊະເວ ຊຸນຊິນ ໝູ່ສະນິດ ໃຊ້ຄວາມໃກ້ຊິດຫາປະໂຫຍດຈາກບໍລິສັດຊັ້ນນຳຕ່າງໆ ເຊີ່ງເປັນເຫດໃຫ້ ທ່ານນາງ ປາກກຶນເຮ ຖືກຖອດຖອນໃນທີ່ສຸດ
ສານໄດ້ເລີ່ມຕົ້ນພິພາກສາຄະດີ ແລະສອບປາກຄຳ ທ່ານນາງ ປາກກຶນເຮ ຢ່າງເປັນທາງການໃນເດືອນຜ່ານມາ ຫຼັງຂະບວນການຖອດຖອນໄດ້ສຳເລັດ ເນື່ອງຈາກບໍ່ສາມາດທີ່ຂະດຳເນີນການສອບປາກຄຳໃດໆໄດ້ ໃນຂະນະທີ່ທ່ານນາງປາກກຶນເຮ ຍັງດຳລົງຕຳແໜ່ງ ເພາະມີເອກະສິດຄຸ້ມຄອງ ໂດຍໄອຍະການເກົາຫຼີໄດ້ບອກວ່າ ນອກຈາກຂໍ້ຫາຮັບສິນບົນແລ້ວ ຍັງຖືກຕັ້ງຂໍ້ຫາໃຊ້ອຳນາດໃນທາງທີ່ບໍ່ຖືກຕ້ອງ, ບັງຄັບຂົ່ມຂູ່ ແລະເຜີຍແຜ່ຂໍ້ມູນທີ່ເປັນຄວາມລັບຂອງລາຊະການອີກດ້ວຍ
ໄອຍະການເກົາຫຼີໃຕ້ ຍັງຕັ້ງຂໍ້ຫາ ທ່ານ ຊິນດົງບິນ ປະທານກຸ່ມລອດເຕ້ ບໍລິສັດການຄ້າສິນຄ້າລາຍໃຫຍ່ຂອງເກົາຫຼີໃຕ້ ໃນຂໍ້ຫາມີສ່ວນກ່ຽວຂ້ອງ ກັບການທຸດຈະລິດຄໍລັບຊັ່ນ ຂອງທ່ານນາງ ປາກກຶນເຮອີກດ້ວຍ ເຊິ່ງລາວຖືກຂໍ້ກ່າວຫາວ່າ ໃຫ້ສິນບົນກັບ ທ່ານນາງປາກກຶນເຮ ແລະນາງ ຊະເວຊຸນຊິນ ເກືອບ 7 ລ້ານດອນລາສະຫະລັດ