ນາຍົກລັດຖະມົນຕີ ມັລຄລອມ ເທຣິນບລູ ແຫ່ງອົດສະຕຣາລີ ຖະແຫຼງຜ່ານຄລິບວິດີໂອໂພສຕ໌ລົງເຟສບຸກ ເມື່ອວັນທີ 18 ເມສາ 2017 ວ່າ ລັດຖະບານອົດສະຕຣາລີ ຍົກເລີກວີຊ່າເຮັດວຽກຊົ່ວຄາວ ຫຼື ວີຊ່າ 457 ສຳລັບການນຳເຂົ້າແຮງງານຕ່າງຊາດມີສີມື ແລະ ອອກວີຊ່າຊົ່ວຄາວໃໝ່ 2 ແບບ ໄດ້ແກ່ ວີຊ່າເຮັດວຽກຊົ່ວຄາວສຳລັບແຮງງານມີສີມືອາຍຸ 2 ປີ ກັບວີຊ່າແຮງງານມີສີມືຂັ້ນສູງ ອາຍຸ 4 ປີ ແລະ ເພີ່ມເຂື່ອນໄຂເຊັ່ນ: ປະສົບການເຮັດວຽກ, ທັກສະພາສາອັງກິດຫຼາຍກວ່າເກົ່າ ແລະ ຜ່ານການທົດສອບດ້ານຕະຫຼາດແຮງງານ ລະບົບໃໝ່ຈະເປັນໄປເພື່ອປະໂຫຍດຂອງຊາດຢ່າງດີທີ່ສຸດ
ຜູ້ນຳອົດສະຕຣາລີ ກ່າວວ່າ “ເຮົາຈະບໍ່ປ່ອຍໃຫ້ມີວີຊ່າ 457 ຢູ່ໃນໜັງສືການເດີນທາງ ເພື່ອໃຫ້ຕຳແໜ່ງງານ “ສາມາດ” ແລະ “ຄວນ” ຕົກເປັນຂອງຊາວອົດສະຕຣາລີ ແຕ່ຂະນະດຽວກັນ ເປັນເລື່ອງສຳຄັນທີ່ພາກທຸລະກິດຈະເຂົ້າເຖິງທັກສະຄວາມຊຳນານທີ່ຕ້ອງການເພື່ອລົງທຶນ ແລະ ຂະຫຍາຍ ເພື່ອແກ້ໄຂບັນຫາແຮງງານສ່ວນທີ່ຂາດ ລັດຖະບານຈະຕັ້ງກອງທຶນໃໝ່ເພື່ອການຝຶກອົບຮົມໃຫ້ກັບຊາວອົດສະຕຣາລີ ເພື່ອເຕີມເຕັມຊ່ອງວ່າງ ພ້ອມ
ກ່າວເສີມອີກວ່າ ການປະຕິຮູບຂອງອົດສະຕຣາລີໃນເທື່ອນີ້ ມີຈຸດມຸ່ງໝາຍງ່າຍໆຄື “ງານອົດສະຕຣາລີ ແລະ ຄ່ານິຍົມອົດສະຕຣາລີ ໂຄງການອົບພະຍົບຄວນເປັນໄປເພື່ອຜົນປະໂຫຍດແຫ່ງຊາດ ແລະ ນີ້ກໍ່ເປັນເລື່ອງຂອງຜົນປະໂຫຍດອົດສະຕຣາລີທັງໝົດ”
ການອອກວີຊ່າປະເພດນີ້ບໍ່ມີເພດານ ເຄີຍພຸ່ງສູງສຸດເຖິງ 1.26 ແສນຄົນໃນປີ 2012-2013 ໃນສະໄໝລັດຖະບານນາຍົກລັດຖະມົນຕີຈູເລຍ ແລະ ເຄວິດ ຣັດ ກ່ອນຫຼຸດລົງມາຢູ່ທີ່ເກືອບ 96,000 ຄົນ ຮວມເຖິງຄອບຄົວຜູ່ທີ່ຖືວີຊ່າ 457 ຫຼັກດ້ວຍ ສ່ວນຫຼາຍແມ່ນມາຈາກອິນເດຍ ຄິດເປັນ 1 ໃນ 4 ຕາມດ້ວຍອັງກິດ ແລະ ຈີນ ທີ່ 19.5 % ແລະ 5.8% ຕາມລຳດັບ