ຕຳຫຼວດມາເລເຊຍ ຈັບກຸມເຈົ້າໜ້າທີ່ທະນາຄານພ້ອມກັບສາມີ ສົງໄສວ່າລັກລອບເອົາເງິນ 3 ໝື່ນກ່ວາໂດລາສະ
ຫະລັດຈາກບັນຊີຂອງຜູ້ໂດຍສານ 4 ຄົນ ທີ່ໄປກັບຖ້ຽວບິນ MH370.
ສຳນັກຂ່າວຕ່າງປະເທດ ລາຍງານວ່າ ທ່ານ ໄຊນຸດດິນ ອາໝັດ ເຈົ້າໜ້າທີ່ຕຳຫຼວດຂອງນະຄອນຫຼວງກົວລາລຳເປີ
ຂອງມາເລເຊຍ ໄດ້ເປີດເຜີຍວ່າ ຕຳຫຼວດໄດ້ຈັບກຸມເຈົ້າໜ້າທີ່ທະນາຄານພ້ອມກັບສາມີ ໂດຍສົງໄສວ່າ ໄດ້ສໍ້ໂກງ
ເອົາເງິນຈຳນວນ 34,850 ໂດລາສະຫະລັດ ອອກຈາກບັນຊີທະນາຄານຂອງຜູ້ໂດຍສານ 4 ຄົນ ທີ່ໄປກັບເຮືອບິນໂດຍ
ສານຂອງສາຍການບິນມາເລເຊຍແອຣ໌ລາຍ ຖ້ຽວບິນ MH370 ທີ່ສູນຫາຍໄປຕັ້ງແຕ່ເດືອນມີນາທີ່ຜ່ານມາ ເຊິ່ງປະ
ກອບມີຊາວມາເລເຊຍ 2 ຄົນ ແລະ ເປັນຊາວຈີນອີກ 2 ຄົນ. ເຈົ້າໜ້າທີ່ທະນາຄານ ແລະ ສາມີ ຖືກຕຳຫຼວດຈັບກຸມ
ໂຕໄວ້ໄດ້ ເມື່ອວັນພະຫັດ (14 ສິງຫາ) ທີ່ຜ່ານມາ ໃນຖານະຜູ້ຕ້ອງສົງໄສວ່າ ໄດ້ຖອນເງິນອອກຈາກບັນຊີທະນາຄານ
ຂອງຜູ້ໂດຍສານທັງ 4 ຄົນ ເຊິ່ງຕຳຫຼວດຍັງຄົງຕິດຕາມໂຕຜູ້ຕ້ອງສົງໄສອີກ 1 ຄົນ ທີ່ເປັນຊາຍຊາວປາກິສະຖານ
ໂດຍຕຳຫຼວດເຊື່ອວ່າ ໄດ້ເອົາເງິນໄປສ່ວນໜຶ່ງ ຈາກການໂອນເງິນຜ່ານລະບົບອອນລາຍ ເຊິ່ງເຈົ້າໜ້າທີ່ຕຳຫຼວດ
ໄດ້ປະຕິເສດທີ່ຈະເປີດເຜີຍຊື່ຂອງທະນາຄານດັ່ງກ່າວ ແລະ ຂໍ້ມູນຂອງຜູ້ຕ້ອງສົງໄສ ໂດຍບອກພຽງແຕ່ວ່າຜູ້ກ່ຽວ
ເຮັດວຽກຢູ່ທະນາຄານດັ່ງກ່າວມາໄດ້ 10 ປີແລ້ວ.