spot_img
Homeລົດຍົນ-ຍານພາຫະນະຈອງຈັກຄັນໄວ້ຂີ່ໄປໜອງພະຍາບໍ

ຈອງຈັກຄັນໄວ້ຂີ່ໄປໜອງພະຍາບໍ

Published on

“ແອໂຣໂມບິນ” ລົດບິນໄດ້ເປີດໂຕມາຕັ້ງແຕ່ປີ 2014 ຕົກເປັນຂ່າວຫຼາຍເທື່ອ ເພາະແຮງດຶງດູດຈາກການປະສົມປະສານລະຫວ່າງລົດສີ່ລໍ້ທີ່ໃຊ້ຂັບໄປມາໄດ້ ກັບເຮືອບິນນ້ອຍທີ່ສາມາດໄປຕໍ່ໄດ້ອີກ ເຖິງແມ່ນວ່າຈະບໍ່ມີທາງໃຫ້ແລ່ນແລ້ວກໍຕາມ ຫຼັງສຸດ ບໍລິສັດຈາກປະເທດສະໂລວະເກຍແຫ່ງນີ້ກໍກາຍເປັນຂ່າວອີກ ເທືື່ອນີ້ເນື່ອງຈາກການກຽມຜະລິດມັນອອກມາຂາຍເປັນສິນຄ້າແທ້ໆ.

ຈູຣາດ ວາຊູລິກ ຜູ້ກໍ່ຕັ້ງແລະເປັນປະທານເຈົ້າໜ້າທີ່ບໍລິຫານຂອງບໍລິສັດ ອອກຖະແຫຼງການວ່າ “ແອໂຣໂມບິນ” ທີ່ພັດທະນາມາເລື້ອຍໆ ຈົນເຖິງລຸ້ນຫຼ້າສຸດນີ້ ກຽມເປີດໃຫ້ “ຈອງລ່ວງຫນ້າ” ໄດ້ແລ້ວພາຍໃນປີນີ້ ແລະແມ່ນວ່າຈະບໍ່ມີການຕັ້ງລາຄາຂາຍຂຶ້ນມາ ແຕ່ແອໂຣໂມບິນລຸ້ນໃໝ່ເຊິ່ງຍັງບໍ່ມີການເປີດໂຕຢູ່ໃສ ກຽມເຜີຍໂສມເປັນເທື່ອທຳອິດໃຫ້ໄດ້ກວດສອບຄຸນສົມບັດຢ່າງລະອຽດໃນງານ “ທັອບ ມາເຄວດ ໂມນາໂກ” ເຊິ່ງໄດ້ຊື່ວ່າເປັນງານສະແດງລົດຫຼູລະດັບ “ຊຸບເປີຄາ” ແລະ “ເອັກຄລູຊີບ” ທີ່ສຸດໃນໂລກ ເຊິ່ງຈະເລິ່ມງານໃນວັນທີ 20 ເມສາ 2017 ນີ້.

ຕາມການຖະແຫຼງແບບຜິວເຜີນ ແອໂຣໂມບິນ ລຸ້ນໃໝ່ຫລ້າສຸດນີ້ ຈະເຮັດວຽກເປັນໄດ້ທັງລົດ 4 ລໍ້ ແລະ ເຮືອບິນໄດ້ ຊະນິດເຕັມຮູບແບບ ເຄື່ອງຈັກກໍຖືກປັບປ່ຽນໃຫ້ເປັນິດກັບສິ່ງແວດລ້ອມ ໂດຍຫັນມາໃຊ້ລະບົບໄຮບຣິດແທນ ເພື່ອໃຫ້ໄດ້ປະສິດທິພາບຫຼາຍກວ່າ ເປັນມິດກັບສິ່ງແວດລ້ອມກວ່າເກົ່າ ແຖມຍັງໄວກວ່າ ເມື່ອໃຊ້ໃນການເດິນທາງ ໄລຍະປານກາງ ໃນພື້ນທີ່ເຊິ່ງມີຖະໜົນຫົນທາງຈຳກັດ, ທາງຂີ້ຮ້າຍ ຫຼື ບໍ່ມີເສັ້ນທາງເລີຍ.

ທັງຍັງລະບຸພ້ອມວ່າ “ແອໂຣໂມບິນ” ສ້າງຂຶ້ນໃຫ້ສອດຄ່ອງກັບກົດເກນຂໍ້ບັງຄັບຕ່າງໆ ທີ່ກຳຫນົດເອົາໄວ້ສຳລັບການເຮັດວຽກຂອງທັງລົດແລະເຮືອບິນ ເຊິ່ງອາດຈະໝາຍຄວາມວ່າ ຜູ້ທີ່ຕ້ອງການໃຊ້ລົດບິນໄດ້ຄັນນີ້ ອາດຈຳເປັນຕ້ອງມີທັງ ໃບຂັບຂີ່ ແລະ ໃບອະນຸຍາດຂັບຍົນ ຢູ່ນຳພ້ອມໆ ກັນ ບໍ່ດັ່ງນັ້ນ ກໍຄົງບໍ່ມີປະໂຫຍດຫຍັງແນ່ນອນ.

ແຫຼ່ງຂ່າວ: ມະຕິຊົນ

ບົດຄວາມຫຼ້າສຸດ

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...

ສະພາແຫ່ງຊາດ ພິຈາລະນາວຽກງານສໍາຄັນຂອງຊາດ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX , ໃນວັນທີ 25 ມິຖຸນານີ້ ພາຍໃຕ້ການເປັນປະທານ ຂອງທ່ານ ນາງ ສູນທອນ...

ຊີ້ແຈງຂໍ້ຂ້ອງໃຈຂອງສັງຄົມຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດ

ຊີ້ແຈງແລ້ວ ຈາກກໍລະນີທີ່ເຈົ້າໜ້າທີ່ໄດ້ມີການຕັດຕົ້ນໄມ້ ຢູ່ຖະໜົນເສດຖາທິຣາດ ເນື່ອງຈາກມີການກໍ່ສ້າງ ແລະ ຂະຫຍາຍໜ້າທາງ ລວມທັງຮ່ອງລະບາຍນໍ້າຢູ່ຖະໜົນເສດຖາທິຣາດເພື່ອພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ການສັນຈອນໄປມາມີຄວາມສະດວກສະບາຍ ຕິດພັນກັບໂຄງ ການພັດທະນາດັ່ງກ່າວ, ທາງໂຄງການຈຶ່ງໄດ້ມີການສຶກສາສຳຫຼວດຕໍ່ຜົນກະທົບຂອງຕົ້ນໄມ້ທີ່ຢູ່ລຽບເສັ້ນທາງຖະໜົນເສດຖາທິຣາດໄປພ້ອມໆກັນ ຊຶ່ງລ້ວນແຕ່ເປັນຕົ້ນໄມ້ທີ່ສູງໃຫຍ່ມີອາຍຸ 100 ປີ. ດັ່ງນັ້ນ,...

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ ທົ່ວໂລກຍັງຈັບຕາຄວາມຂັດແຍ່ງລະຫວ່າງ ອິດສະຣາແອນ (Israel) ກັບ ອີຣານ (Iran)...