ກອງກຳລັງຕິດອາວຸດ ບຸກໂຈມຕີຄລີນິກປິ່ນປົວຜູ້ຕິດເຊື້ອອີໂບລາໃນໄລບີເຣຍ ຍ້ອນຂ່າວລືວ່າທາງການສ້າງເລື່ອງ
ຂີ້ຕົວະກ່ຽວກັບການລະບາດຂອງພະຍາດອີໂບລາ.
ສື່ຕ່າງປະເທດລາຍງານ ເມື່ອວັນທີ 17 ສິງຫາ ຜ່ານມານີ້ວ່າ ມີກອງກຳລັງຕິດອາວຸດບຸກໂຈມຕີຄລີນິກປິ່ນປົວຜູ້ຕິດ
ເຊື້ອພະຍາດອີໂບລາ ໃນປະເທດໄລບີເຣຍ ໂດຍຜູ້ທີ່ພົບເຫັນເຫດການໄດ້ກ່າວວ່າ ເຫັນກຸ່ມຊາຍສະກັນຕິດອາວຸດບໍ່
ຮູ້ຈຳນວນ ພັງປະຕູບຸກເຂົ້າທຳລາຍອາຄານຄລີນິກຜູ້ຕິດເຊື້ອອີໂບລາ ໃນເມືອງຫຼວງມັນໂຣເວຍ ເຊິງຄາດວ່າມີຜູ້
ຕິດເຊື້ອ 29 ຄົນ ອາດຫຼົບໜີລະຫວ່າງເກີດການໂຈມຕີ.
ການໂຈມຕີດັ່ງກ່າວ ແມ່ນເກີດຂຶ້ນພຽງ 1 ວັນ ຫຼັງຈາກມີການໂຄສະນາຊວນເຊື່ອ ດ້ວຍການປະກາດວ່າ ບໍ່ມີການ
ແຜ່ລະບາດຂອງພະຍາດອີໂບລາໃນອາຟຣິກາຕາເວັນຕົກ, ໄວຣັສອີໂບລາ ທີ່ມີລາຍງານວ່າກຳລັງແຜ່ລະບາດນັ້ນ
ເປັນພຽງເລື່ອງຂີ້ຕົວະ, ໃນຂະນະທີ່ອົງການອານາໄມໂລກໄດ້ລະບຸວ່າ ໄລບີເຣຍ ເປັນປະເທດທີ່ມີຜູ້ຕິດເຊື້ອຈາກໄວ
ຣັສດັ່ງກ່າວຫຼາຍທີ່ສຸດ ໃນຈຳນວນຜູ້ຕິດເຊື້ອໃນທົ່ວໂລກ ຢູ່ທີ່ປະມານພັນກ່ວາຄົນ.