ສຳນັກຂ່າວຕ່າງປະເທດລາຍງານຈາກເມືອງ ປລາມບີຊ ລັດຟໍຣິດາ ປະເທດສະຫະລັດອາເມລິກາ ເມື່ອວັນທີ 6 ເມສາ 2017 ວ່າ ປະທານາທິບໍດີ ໂດນັລ ທຣັມ ຜູ້ນຳສະຫະລັດ ແລະ ທາງ ນາງ ເມລາເນຍ ທຣັມ ພັນລະຍາໃຫ້ການຕ້ອນຮັບປະທານາທິບໍດີ ສີ ຈິ້ນຜິງ ຜູ້ນຳປະເທດຈີນ ພ້ອມພັນລະຍາທ່ານ ນາງ ເຜິງ ລີ່ຫຍວນ ທີ່ີຣີສອດ ມາຣ-ອາ-ລາໂກ ໃນເມືອງ ປລາມບິຊ ເຊິ່ງຈະມາຢ້ຽມຢາມໃນລະຫວ່າງວັນທີ 6-7 ເມສາ 2017. ນີ້ຖືເປັນການພົບກັນຄັ້ງທຳອິດຂອງຜູ້ນຳສອງປະເທດ ທ່າມກາງສະພາບເຫດການທີ່ຕຶງຄຽດທັງໃນຊີເຣຍ ແລະ ມະຫາສະໝຸດເກົາຫຼີ ໂດຍກ່ອນໜ້າທີ່ງານລ້ຽງອາຫານຄ່ຳຈະເລີ່ມຂຶ້ນ ທ່ານ ທຣັມ ແລະ ທ່ານ ສີ ຈິ້ນຜິງ ໄດ້ມີການຫາລືກັນແບບສ່ວນຕົວເປັນເວລາດົນ ກ່ອນທີ່ຜູ້ນຳສະຫະລັດກ່າວໃນເວລາຕໍ່ມາວ່າ ຄວາມສຳພັນລະຫວ່າງສອງປະເທດມີການ “ພັດທະນາຂຶ້ນ”
ທຳນຽມຂາວເຜີຍວ່າ ເຫດຜົນທີ່ເລືອກຣີສອດມາຣ໌-ອາ-ລາໂກ ເປັນສະຖານທີ່ພົບປະກັນລະຫວ່າງສອງປະເທດໃນລະຫວ່າງວັນທີ 6-7 ເມສາ 2017 ນີ້ ເນື່ອງຈາກຕ້ອງການສ້າງບັນຍາກາດທີ່ຜ່ອນຄາຍຫຼາຍທີ່ສຸດ ແຕ່ຈະບໍ່ມີການອອກຮອບຕີກ໊ອຟລະຫວ່າງຜູ້ນຳສອງປະເທດ ເຖິງແມ່ນວ່າ ກິລາຕີກ໊ອຟຈະເປັນກິລາຍອດນິຍົມຂອງສະຫະລັດກໍ່ຕາມ ເນື່ອງຈາກກິລາກ໊ອຟເປັນກິດຈະກຳ ຄໍລັບຊັ່ນ ໃນສາຍຕາຂອງລັດຖະບານປັກກິ່ງ
ໃນສ່ວນຫົວຂໍ້ທີ່ຍົກຂຶ້ນມາສົນທະນາຫາລືກັນນັ້ນແມ່ນເນັ້ນໜັກໄປທາງເກົາຫຼີເໜືອ ແລະ ໄຕ້ຫວັນ ເຖິງແມ່ນວ່າຜົນລັບຂອງການຫາລືຍັງບໍ່ມີຄວາມຄືບໜ້າ ແຕ່ທຣັມກໍ່ໄດ້ເສື່ອມໂຍງສະພາບເຫດການດັ່ງກ່າວວ່າມີສ່ວນເຮັດໃຫ້ສະຫະລັດ “ຢູ່ໃນສະຖານະການເສຍປຽບ” ດ້ານການຄ້າຕໍ່ຈີນ ຢ່າງໃດກໍ່ຕາມ ມີລາຍງານວ່າທຣັມຍັງບໍ່ສົ່ງສັນຍານຂອງການປະກາດໃຫ້ຈີນເປັຮ “ລັດແຊກແຊງຄ່າເງິນ” ໃນອານາຄົດອັນໃຫ້ນີ້