Homeຂ່າວພາຍ​ໃນງານແຂ່ງຂັນກິລາເພາະກາຍ ແລະ ຍິງຫຸ່ນງາມແຫ່ງຊາດລາວ ປະຈຳປີ 2017

ງານແຂ່ງຂັນກິລາເພາະກາຍ ແລະ ຍິງຫຸ່ນງາມແຫ່ງຊາດລາວ ປະຈຳປີ 2017

Published on

ເວັບໄຊຂ່າວ CRI ລາຍງານວ່າ ຕອນຄໍ່າວັນທີ 1 ເມສາ 2017, ທີ່ຫໍວັດທະນະທໍາແຫ່ງຊາດ ນະຄອນຫຼວງວຽງຈັນ ໄດ້ມີການຈັກງານ ແຂ່ງຂັນກິລາເພາະກາຍ ແລະ ຍິງຫຸ່ນງາມແຫ່ງຊາດລາວ ປະຈຳປີ 2017 ໂດຍປີນີ້ມີທັງໝົດ 4 ລຸ້ນເຂົ້າຮ່ວມແຂ່ງຂັນຄື: ເພາະກາຍຊາຍລຸ້ນ 68-85 ກິໂລ ແລະ ລຸ້ນ 55-67 ກິໂລ, ຊາຍຫຸ່ນດີ ແລະ ຍິງຫຸ່ນດີ. ໂດຍການເປັນກຽດເຂົ້າຮ່ວມຂອງທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການແລະກິລາ, ທ່ານ ບຸນມີ ບັນນາວົງ ປະທານກິລາເພາະກາຍແຫ່ງຊາດລາວ, ບັນດາບໍລິສັດ ແລະ ຫ້າງຮ້ານຜູ້ໃຫ້ການສະໜັບ ສະໜູນ, ຜູ້ເຂົ້າແຂ່ງຂັນ ພ້ອມດ້ວຍຊາວນະຄອນຫຼວງວຽງຈັນເຂົ້າຮ່ວມເຊຍຢ່າງຫຼວງຫຼາຍ.

ການແຂ່ງຂັນເພາະກາຍຊາຍ ປະຈຳປີ 2017 ມີການແຂ່ງຂັນທັງໝົດ 4 ລຸ້ນຄື: ເພາະກາຍຊາຍລຸ້ນ 68-85 ກິໂລ ແລະ ລຸ້ນ 55-67 ກິໂລ, ຊາຍຫຸ່ນດີ ແລະ ຍິງຫຸ່ນດີ. ການແຂ່ງຂັນປະກອບມີ 7 ທ່າບັງຄັບຄື: ກ້າມແຂນດ້ານໜ້າ, ກ້າມປີກດ້ານໜ້າ, ກ້າມເອິກດ້ານຂ້າງ, ໜ້າແຂ່ງດ້ານຫຼັງ, ກ້າມປີກດ້ານຫຼັງ, ກ້າມຊີ້ນຫຼັງແຂນ, ກ້າມທ້ອງ ແລະ ຕົ້ນຂາດ້ານໜ້າ. ຜ່ານການແຂ່ງຂັນປະເພດຊາຍ ລຸ້ນນ້ຳໜັກ 68-85 ກິໂລ ຜູ້ທີ່ສະແດງທ່າບັງຄັບ 7 ທ່າທີ່ສວຍ ງາມແລະຖືກໃຈຄະນະກໍາມະການ, ກອງເຊຍຢ່າງຄຶກຄື້ນ ຊະນະເລີດໄດ້ແກ່ໝາຍເລກ 2 ທ້າວ ອິນທາ ກອງຄຳມະນີ, ຮອງອັນດັບທີໜຶ່ງໝາຍເລກ 1 ທ້າວ ສຸທິດາວີ ວົງສຸທິ ແລະ ຮອງອັນດັບທີສອງໝາຍເລກ 3 ທ້າວສັກຕິສຸກ ດວງແກ້ວມະນີ. ສ່ວນລຸ້ນ 55-67 ກິໂລຊະນະເລີດໄດ້ແກ່ໝາຍເລກ 1 ທ້າວ ຕຸ້ຍ ໄຊຍະລາດ, ຮອງອັນດັບທີໜຶ່ງ ໝາຍເລກ 8 ທ້າວ ພຸດສະຫວັນ ສີຊົມພູ ແລະ ຮອງອັນດັບທີສອງ ໝາຍເລກ 2 ທ້າວ ສິນໄຊ ພົມມະວໍລະຈັກ. ທີໜຶ່ງທັງສອງລຸ້ນໄດ້ຮັບເງິນລາງວັນຄົນລະ 4,000,000 ກີບ, ທີສອງໄດ້ຮັບເງິນລາງວັນ 3,000,000 ກີບ ແລະ ທີສາມ 2,000,000 ກີບ ພ້ອມຂັນລາງວັນ, ແລະ ລາງວັນອື່ນໆ.

ພິເສດປີນີ້ມີຍິງຫຸ່ນງາມເຂົ້າຮ່ວມແຂ່ງຂັນເປັນຄັ້ງປະຫວັດສາດ ແລະ ໄດ້ຮັບຄວາມນິຍົມຈາກມວນຊົນຜູ້ເຂົ້າຊົມເປັນຢ່າງນວນຫຼວງຫຼາຍ. ຍິງຫຸ່ນງາມທີ່ສະແດງທ່າທີຖືກໃຈກຳມະການຊະນະເລີດໄດ້ແກ່ໝາຍ 1 ນາງ ກິນນາລອນ ນັນທະລາດ, ຮອງອັນດັບສອງ ໝາຍເລກ 10 ນາງ ພອຍໄພລິນ ພັນທະລີ ແລະ ຮອງອັນດັບສອງ ໝາຍເລກ 5 ນາງ ດາວໄລ ລາວັນ. ຂະນະທີ່ຊາຍຫຸ່ນງາມທີ່ສຸດຊະນະເລີດໄດ້ແກ່ໝາຍເລກ 15 ທ່ານ ໝາຍນັດ ແສນລິດທີ, ຮອງອັນດັບໜຶ່ງໝາຍເລກ 19 ທ້າວ ຂາວພອນ ພອນປະເສີດ ແລະ ຮອງອັນດັບທີສອງ ໝາຍເລກ ທ້າວ ອຸ້ຍ ສີວິເສດ. ທີໜຶ່ງປະເພດຊາຍ-ຍິງ ໄດ້ຮັບເງິນລາງວັນຄົນລະ 2,000,000 ກີບ, ທີສອງ 1,500,000 ກີບ ແລະ ທີສາມ 1,000,000 ກີບ ພ້ອມຂັນລາງວັນ ແລະ ລາງວັນອື່ນໆ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...