ໜຸ່ມ-ສາວຄົນໃດທີ່ມີຜິວໜ້າມັນ ມັກຈະຮູ້ສຶກຫງຸດງິດກັບຄວາມມັນຂອງໃບໜ້າຕົນເອງຢູ່ສະເໝີ ເພາະມື້ໜຶ່ງຕ້ອງໄດ້ຊັບຄວາມມັນທີ່ໜ້າຫຼາຍເທື່ອ ຫຼາຍຄົນກໍ່ມັກຈະແນມເຫັນຂໍ້ເສຍຂອງຄວາມມັນທີ່ໃບໜ້າ ແຕ່ນ້ອຍຄົນນັກຈະເຫັນຂໍ້ດີຂອງມັນ ໃນຄໍລຳຄວາມງາມມື້ນີ້ ແອັດມິນເລີຍ ມີຂໍ້ດີຂອງຜິວມັນມາຝາກ
– ຄົນທີ່ມີຜິວມັນນັ້ນໜ້າຈະນານເຖົ້າ ຮອຍແຫ່ວນານເກີດກວ່າຄົນຜິວແຫ້ງ ເພາະນ້ຳມັນທີ່ໜ້ານີ້ລະເຮັດໃຫ້ຜິວໜ້າຊຸ່ມຊື່ນ ບໍ່ເກີດຮອຍແຫ່ວໄວ
– ບໍ່ແຕ່ງໜ້າກໍ່ເບິ່ງຄືຜິວຊຸ່ມຊື່ນສຸຂະພາບດີ ພຽງທາແປ້ງໃສ່ໜ້າບາງໆ ກໍ່ເຮັດໃຫ້ຜິວເປັນລຽບນຽນໄດ້ງ່າຍແລ້ວ
– ມີບັນຫາຜິວໜ້ອຍກວ່າຄົນຜິວແຫ້ງ ເພາະບໍ່ຕ້ອງມີບັນຫາເລື່ອງຜິວລອກ, ຜິວແຫ້ງເປັນຂຸຍ ແຕ່ງໜ້າຍາກ
– ບໍ່ຕ້ອງບຳລຸງຜິວຫຼາຍຂັ້ນຕອນ ເພາະດ້ວຍຄວາມມັນ ພຽງລົງຄຣີມບຳລຸງແຕ່ຢ່າງດຽວກໍ່ພໍແລ້ວ