spot_img
Homeນານາສາລະ"ມິກິງໂກ" ເກາະຂະໜາດນ້ອຍ ແຕ່ປະຊາກອນອາໃສຢູ່ໜາແໜ້ນ

“ມິກິງໂກ” ເກາະຂະໜາດນ້ອຍ ແຕ່ປະຊາກອນອາໃສຢູ່ໜາແໜ້ນ

Published on

ສຳຫຼວດໂລກມື້ນີ້ເຮົາມາຮູ້ຈັກກັບ ເກາະມິກິງໂກ (Migingo) ເປັນເກາະຂະໜາດນ້ອຍ ເໜືອທະເລສາບ ວິກຕໍເຣຍ ໃນປະເທດເຄນຢາ ທະວີບແອຟຣິກາ ມີເນື້ອທີ່ດິນລວມໝົດທັງເກາະຢູ່ທີ່ 1,980 Km2

ມີຜູ້ພັກ ອາໃສທັງໝົດ 131 ຄອບຄົວ ລວມມີປະຊາກອນທັງໝົດປະມານ 1,000 ຄົນ ເກາະນີ້ມີຊາຍາວ່າ Iron Clad Island ຫຼື ເກາະຫຸ້ມເຫຼັກ ເນື່ອງຈາກເບິ່ງລວມໆແລ້ວສ່ວນໃຫຍ່ແລ້ວຈະແມ່ນຫຼັງຄາເຮືອນຂອງຊາວບ້ານເປັນສັງກະສີປົກຄຸມທົ່ວທັງເກາະ

ແຕ່ມີສິ່ງໜຶ່ງທີ່ໜ້າແປກປະຫຼາດໃຈກໍ່ຄື ເກາະທີ່ມີຊື່ວ່າ ຢູຊິງໂກ (Usingo) ເຊິ່ງຢູ່ຫ່າງອອກຈາກເກາະ ມິກິງໂກ ພຽງບໍ່ພໍເທົ່າໃດແມັດ ແລະ ກໍ່ມີເນື້ອທີ່ຫຼາຍກວ່າ ແຕ່ບໍ່ມີຄົນອາໃສພຽງແຕ່ຄົນດຽວ ເຊິ່ງຊາວບ້ານໃນເກາະມິກິງໂກ ເລົ່າວ່າ ສາເຫດທີ່ບໍ່ມີໃຜກ້າໄປຢູ່ທີ່ເກາະ ຢູກິງໂກ ຍ້ອນມີຕຳນານເລົ່າຂານກັນວ່າ ເກາະນັ້ນເປັນບ່ອນສິງສະຖິດຂອງວິນຍານຮ້າຍ ບໍ່ມີຊາວປະມົງຄົນໃດ້າເຂົ້າໄປຢຽບ ແລະ ເຖິງຈະເປັນພຽງແຕ່ເລື່ອງເລົ່າ ແຕ່ກໍ່ເຮັດໃຫ້ທຸກຄົນເຊື່ອ ແລະ ເລືອກທີ່ຈະຢູ່ຮວມກັນໃນເກາະທີ່ແອອັດແຫ່ງນີ້.

ສຳລັບເລື່ອງຄວາມປອດໄພຂອງຄົນໃນໝູ່ເກາະ ເຖິງແມ່ນວ່າຈະມີເຈົ້າໜ້າຕຳຫຼວດຂອງທັງອູກັນດາ ແລະ ເຄນຢາ ເຂົ້າໄປດູແລຄວາມຮຽບຮ້ອຍ ແຕ່ກໍ່ຍັງມີເຫດໂຈນສະລັດເຂົ້າໄປປຸ້ນຢູ່ ສ່ວນຫຼາຍແມ່ນເກີດເຫດໃນຕອນກາງຄືນ ເພື່ອຈະລັກເອົາເຮືອ ຫຼື ເຄື່ອງຍົນຂອງຊາວປະມົງ ແລະ ມີບາງເທື່ອກໍ່ລົງມືຂ້າຊາວບ້ານ ຊາວປະມົງທີ່ໄປຂັດຂວາງ ແຕ່ປັດຈຸບັນກໍ່ເກີດເຫດບາງລົງກວ່າເມື່ອກ່ອນແລ້ວ.

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...