ນັກວິໄຈພົບວ່າ ເຊື້ອ HPV ເຮັດປະຕິກິລິຍາໃນລະດັບໂມເລກຸນບາງຢ່າງທີ່ກໍ່ໃຫ້ເກີດມະເຮັງໃນລຳຄໍທີ່ຮຽກວ່າ Oropharyngeal Squamous-cell Carcinoma ແຕ່ຕອນນີ້ຍັງບໍ່ມີຫຼັກຖານທີ່ແນ່ນອນອອກມາຊີ້ແຈງເຖິງຂະບວນການເກີດປະຕິລິຍາດັ່ງກ່າວ.

ທີມງານໄດ້ສຶກສາກັບຜູ້ປ້ວຍມະເຮັງໃນຊ່ອງປາກ (Oropharyngeal Cancer) ຫຼື ມະເຮັງທີ່ຕ່ອມທອນຊິລ (Cancers of the tonsils) ໃນໄລຍະເລີ່ມຕົ້ນຈຳນວນ 100 ຄົນ ແລະ ຜູ້ທີ່ບໍ່ໄດ້ເປັນມະເຮັງອີກ 200 ຄົນ ໂດຍການກວດຕົວຢ່າງເລືອດ ແລະ ນ້ຳລາຍກັບໂມເລກຸນຂອງແອນຕີບໍດີ ແລະ ສຶກສາສະພາບຄວາມເປັນຢູ່ໃນດ້ານຕ່າງໆເຊັ່ນ: ພຶດຕິກຳທາງເພດ, ການດື່ມສຸຣາ, ການສູບຢາ ໂດຍການໃຊ້ບົດທົດສອບແບບສອບຖາມລັບ ເຊິ່ງໄດ້ຜົນຮັບດັ່ງນີ້:

ຜູ້ທີ່ມີຄູ່ນອນແລະ ມັກເຮັດ ອໍຣັລເຊັກສ໌ ເປັນປະຈຳ ໃນຈຳນວນການປ່ຽນຄູ່ນອນ 5-6 ຄົນຂຶ້ນໄປ (Lifetime) ມີໂອກາດເປັນມະເຮັງໃນຊ່ອງປາກເຖິງ 3.4 ເທົ່າຂອງຜູ້ທີ່ບໍ່ມັກປ່ຽນຄູ່ນອນ ໃນຈຳນວນຕັ້ງແຕ່ 26 ຄົນຂຶ້ນໄປ ມີໂອກາດເປັນມະເຮັງໃນຊ່ອງປາກ 3.1 ເທົ່າ ນັ້ນກໍ່ໝາຍຄວາມວ່າ ຍິ່ງທ່ານໝັ່ນປ່ຽນຄູ່ນອນ ແລະ ເຮັດ ອໍຣັລເຊັກສ໌ ກັບຫຼາຍຄົນພຽງໃດທ່ານກໍ່ຈະມີໂອກາດເປັນມະເຮັງໃນລຳຄໍຫຼາຍຂຶ້ນ 

ມະເຮັງໃນຊ່ອງປາກເກີດຈາກການຕິດເຊື້ອ HPV-16 ໃນຊ່ອງປາກດ້ວຍລະດັບ 32 ເທົ່າ ນັ້ນຄືຫາກຄົນໃດໄດ້ຕິດເຊື້ອ HPV-16 ໃນຊ່ອງປາກແລ້ວໂອກາດທີ່ຈະພັດທະນາເປັນມະເຮັງກໍ່ສູງເປັນ 32 ເທົ່າ.

ຢ່າງໃດກໍ່ດີ ຜົນການສຶກສາດັ່ງກ່າວໜ້າຈະຊີ້ໃຫ້ທຸກຄົນໄດ້ຫັນມາລະວັງຕົວເອງ ເລື່ອງການມີເພດສຳພັນຫຼາຍຂຶ້ນ

ຂໍ້ມູນຈາກ: http://www.mamaexpert.com/posts/content-1572