ໂດຍປົກກະຕິແລ້ວ ຊ່ວງເວລາໃນການຈະເລີນເຕີບໂຕຢ່າງໄວວາສຳລັບເດັກນ້ອຍຍິງນັ້ນຈະຢູ່ໃນຊ່ວງ 9-10 ປີ ໄລຍະນີ້ຈະມີຄວາມສູງເພີມຂຶ້ນຢ່າງໄວ ຈົນຮອດອາຍຸ 12 ປີ ຫຼັງຈາກນັ້ນອັດຕາການເພີ່ມຄວາມສູງກໍ່ຈະຄ່ອຍຊ້າລົງ ແລະ ມີຄວາມຄົງທີ່ເມື່ອອາຍຸໄດ້ 16-18 ປີ ແລະ ສຳລັບເດັກນ້ອຍຜູ້ຊາຍນັ້ນຈະເລີ່ມໃນຊ່ວງ 10-12 ປີ ໄລຍະນີ້ຈະມີຄວາມສູງເພີ່າມຂຶ້ນຢ່າງໄວວາ ຈົນຮອດອາຍຸ 14 ປີ ອັດຕາສ່ວນການເພີ່ມຄວາມສູງຈະຊ້າລົງຈົນຮອດອາຍຸ 18-20 ປີ.
ໃນຄໍລຳ ແມ່ ແລະ ລູກມື້ນີ້ ແອັດມິນມີວິທີການກະຕຸ້ນການເພີ່ມຄວາມສູງໃຫ້ກັບລູກນ້ອຍມາແນະນຳ ເຊິ່ງຈະມີວິທີໃດແນ່ນັ້ນ ເຮົາມາອ່ານໄປພ້ອມກັນເລີຍ
1.ເສີມແຄຣຊຽມໃຫ້ກະດູກ
ໃຫ້ລູກດື່ມນົມຈີດມື້ລະ 2 ຈອກ ຫຼື ປະລິມານ 400 ມິລລິກຣັມ ຮວມເຖິງການຮັບປະທານອາຫານໃຫ້ຄົບ 5 ໝູ່ໃນແຕ່ລະມື້ ຄວນໃຫ້ລູກໄດ້ກິນ: ປານ້ອຍ, ເຕົ້າຮູ້ຕ່ອນ ແລະ ຜັກສີຂຽວເຂັ້ມເປັນຕົ້ນ
2.ພັກຜ່ອນໃຫ້ພຽງພໍ
ການທີ່ລູກນ້ອຍນອນຫຼັບພຽງພໍ ຈະຊ່ວຍໃຫ້ຮ່າງກາຍຫຼັ່ງສານຮໍໂມນຈະເລີຍເຕີບໂຕຫຼາຍຂຶ້ນ ຊ່ວຍເພີ່ມຄວາມສູງ ເຮັດໃຫ້ລະບົບການທຳງານຕ່າງທໃນຮ່າງກາຍເປັນປົກກະຕິ ສະນັ້ນລູກນ້ອຍຢ່າງໜ້ອຍຕ້ອງໄດ້ນອນມື້ລະ 8-10 ຊົ່ວໂມງ
3.ອອກກຳລັງກາຍເປັນປະຈຳ
ພໍ່ແມ່ນຄວນສົ່ງເສີມໃຫ້ລູກໄດ້ອອກກຳລັງກາຍທີ່ມີການເຄື່ອນໄຫວຂອງຂໍ້ຕໍ່ ເຊັ່ນ: ການກະໂດດເຊືອກ, ການຫຼິ້ນບານບ້ວງ, ໂດຍເຮັດຕໍ່ເນື່ອງຢ່າງໜ້ອຍ 10-15 ນາທີ ຕໍ່ມື້/ທຸກມື້