ສຳນັກຂ່າວເອເອຟພີ ແລະ ຣອຍເຕີລາຍງານວ່າ ເມື່ອວັນທີ 26 ມີນາ 2017 ທີ່ຜ່ານມານີ້ ຄະນະກຳມະທິການການເລືອກຕັ້ງ 1,200 ຄົນ ເຊິ່ງເຮັດໜ້າທີ່ເປັນຕົວແທນໃນການຄັດເລືອກຜູ້ບໍລິຫານສູງສຸດຂອງເຂດປົກຄອງພິເສດ ຮ່ອງກົງ ໄດ້ລົງມະຕິເລືອກ ທ່ານ ນາງ ແຄຣຣີ່ ແລມ ທີ່ລັດຖະບານປັກກິ່ງໃຫ້ການສະໜັບສະໜູນ ໃຫ້ດຳລົງຕຳແນ່ງຜູ້ວ່າການເຂດປົກຄອງພິເສດ ຮ່ອງກົງ ເປັນແມ່ຍິງຄົນທຳອິດໃນປະຫວັດສາດ ເຊິ່ງໄດ້ຮັບຄະແນນສຽງສູງສຸດ 777 ຄະແນນ ເອົາຊະນະ ທ່ານ ຈອນ ຊ່າງ ທີ່ຊາວຮ່ອງກົງໃຫ້ຄວາມນິຍົມສູງສຸດ ແຕ່ໄດ້ຄະແນນພຽງ 365 ຄະແນນ ທັງນີ້ຍັງມີຕົວແທນບາງສ່ວນທີ່ບໍ່ຍອມລົງຄະແນນສຽງໃນການເລືອກຕັ້ງຄັ້ງນີ້ ຮວມທັງທ່ານ ນາທານ ລໍຣ ສະມາ ຊິກຝ່າຍຄ້ານ ທີ່ສົ່ງບັດເລືອກຕັ້ງເປົ່າເປັນການປະທ້ວງ ທ່າມກາງສຽງຕໍ່ຕ້ານ ແລະ ການປະທ້ວງຂອງກຸ່ມນັກເຄື່ອນໄຫວເພື່ອປະຊາທິປະໄຕ ທີ່ຊີ້ວ່າຜົນການເລືອກຕັ້ງສະແດງໃຫ້ເຫັນເຖິງການແຊກແຊງການເມືອງ ຮ່ອງກົງ ໂດຍລັດຖະບານໃນນະຄອນຫຼວງ ປັກກິ່ງ ແລະ ການເລືອກຕັ່ງໃນຄັ້ງນີ້ບໍ່ໄດ້ສະທ້ອນໃຫ້ເຫັນເຖິງຄວາມຕ້ອງການທີ່ແທ້ຈິງຂອງປະຊາຊົນຊາວຮ່ອງກົງຈຳນວນ 7.3 ລ້ານຄົນທີ່ບໍ່ມີສ່ວນຮ່ວມໃດໆໃນຂະບວນການເລືອກຕັ້ງ.