ໝາກມັງກອນ ເປັນໝາກໄມ້ທີ່ມີວິຕາມິນຊີ, ໂປຣຕີນ, ແຄວຊຽ, ຟອສຟໍຣັດ ເຊິ່ງສາເຫດທີ່ມັງກອນ ເປັນໝາກໄມ້ທີ່ສາມາດຊ່ວຍຫຼຸດນໍ້າໜັກເພາະຊ່ວຍເລື່ອງການຂັບຖ່າຍໄດ້ດີ ແລະຍັງໃຫ້ພະລັງງານຕໍ່ ສາວໆຈຶ່ງບໍ່ຕ້ອງຢ້ານທີ່ຈະຕຸ້ຍ
ຄວາມນິຍົມໃນການກິນໝາກມັງກອນເພື່ອຫຼຸດນໍ້າໜັກ ອີກສາເຫດໜຶ່ງເພາະຄຸນປະໂຍດຂອງແກ່ນດຳນ້ອຍໆໃນໝາກມັງກອນ ຊ່ວຍເຮັດໜ້າທີ່ໃນການກຳຈັດໄຂມັນຊະນິດທີ່ບໍ່ດີອອກຈາກຮ່າງກາຍໄດ້ ແລະຍັງຊ່ວຍປັບຄວາມສົມດູນໃຫ້ກັບແບັກທີເລຍໃນລຳໄສ້, ຊ່ວຍກຳຈັດສານພິດທີ່ຕົກຄ້າງໃນລຳໄສ້ ດັ່ງນັ້ນ, ຈຶ່ງຫຼຸດອາການເຈັບປ່ວຍ ຈາກລະບົບລຳໄສ້ໄດ້ເຊັ່ນ: ອາການທ້ອງຜູກ, ມະເຮັງລຳໄສ້ ຫຼຸດໂອກາດເກີດພະຍາດ ເພາະຖ້າມີການຂັບຖ່າຍເປັນປົກກະຕິ, ມີການລ້າງພິດອອກຈາກລຳໄສ້ຕະຫຼອດ ດ້ວຍການກິນອາຫານທີ່ຖືກຕ້ອງ, ພະຍາດຕ່າງໆກໍຈະເກີດກັບເຮົາໄດ້ໜ້ອຍລົງ ຫຼືປະເພດພະຍາດທີ່ເກີດຈາກຄວາມອ້ວນເຊັ່ນ ເບົາຫວານ, ຄວາມດັນເລືອດສູງ ໝາກມັງກອນ ກໍເປັນໝາກໄມ້ຊະນິດໜຶ່ງທີ່ສາມາດບັນເທົາອາການລົງໄດ້
ແນວໃດກໍຕາມສຳລັບການກິນມັງກອນຫຼຸດຄວາມອ້ວນ ຄວນກິນໃນປະລິມານທີ່ເໝາະສົມ ບໍ່ຫຼາຍຈົນເກີນໄປ, ບໍ່ຄວນກິນແຕ່ພຽງໝາກໄມ້ຊະນິດດຽວເທົ່ານັ້ນ ຄວນກິນໝາກໄມ້ຫຼາຍໆປະເພດ ທີ່ມີນໍ້າຕານໜ້ອຍ, ແຄລໍລີ່ຕໍ່າ, ຮັກສຸຂະພາບດ້ວຍການອອກກຳລັງກາຍ, ມີອາລົມທີ່ບໍ່ຕຶງຄຽດ, ແນ່ນອນວ່າ ນອກຈາກຈະຊ່ວຍຫຼຸດນໍ້າໜັກ, ຫຼຸດໄຂມັນໄດ້ແລ້ວ ຍັງຊ່ວຍອ່ອນກ່ອນໄວໄດ້