ຮ້ອນນີ້ສາວໆນິຍົມນຸ່ງສັ້ນບໍ່ວ່າຈະເປັນເສື້ອສັ້ນ ໂສ້ງສັ້ນກໍ່ດີ ແຕ່ຖ້າມີເຂົ່າຂາວ, ສອກຂາວແຮງເປັນຕາເບິ່ງ ແລະ ໝັ້ນໃຈຂຶ້ນຕື່ມ ສຳລັບຄໍລຳຄວາມງາມມື້ນີ້ ແອັດມິນກໍ່ບໍ່ພາດທີ່ຈະນຳເຄັດລັບດີໆໃນການແກ້ໄຂບັນຫາ ຫົວເຂົ່າດີ, ສອກດຳ ມາຝາກ ເອົາເປັນວ່າເຮົາບໍ່ເວົ້າຫຍັງຍາວ ເຮົາມາເບິ່ງສ່ວນປະກອບ ແລະ ວິທີເຮັດນຳກັນເລີຍ
ສ່ວນປະກອບມີ:
– ນ້ຳເຜິ້ງ 2 ບ່ວງແກງ
– ນ້ຳມັນໝາກກອກ 1 ບ່ວງຊາ
– ນ້ຳໝາກນາວເຄິ່ງໜ່ວຍ
– ເບກກິ້ງໂຊດາ 1 ບ່ວງຊາ
ນຳສ່ວນປະກອບທັງໝົດມາປະສົມຄົນເຂົ້າກັນໃຫ້ເປັນເນື້ອລະອຽດ ຈາກນັ້ນກໍ່ນຳມາທາໃສ່ຂໍ້ສອກ ກັບຫົວເຂົ່າທີ່ດີ ແລ້ວກໍ່ຊອກຜ່າບາງໆ ອາດຈະເປັນຜ່າມຸ້ງ, ຜ້າຝ້າຍບາງໆມາພັນທັບໄວ້.
ສູດນີ້ເໝາະສຳລັບເຮັດກ່ອນນອນທີ່ສຸດ ເພາະຕ້ອງໄດ້ປະໄວ້ຈົນຮອດຂ້າມຄືນ ເມື່ອຕື່ນເຊົ້າຂຶ້ນມາກໍ່ໃຫ້ລ້າງອອກດ້ວຍນ້ຳອຸ່ນໆ ຈາກນັ້ນກໍ່ເຊັດໃຫ້ແຫ້ງແລ້ວກໍ່ໂລຊັ່ນທາຜິວທີ່ເຮົາໃຊ້ເປັນປະຈຳທາຕາມປົກກະຕິ ເຮັດແບບນີ້ຕິດຕໍ່ກັນ 10 ມື້ຮັບຮອງວ່າຮອງດ້ານດຳທີ່ຂໍ້ສອກ ແລະ ຫົວເຂົ່າຈະຈາງລົງຢ່າງເຫັນໄດ້ຊັດເຈນແນ່ນອນ
ແຫລ່ງທີ່ມາຈາກ: www.news.com.la