ເນື່ອງໃນໂອກາດວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 62 ປີ  (22 ມີນາ 1955- 22 ມີນາ 2017) ໃນຕອນເຊົ້າຂອງວັນດຽວກັນ ວັນທີ 22 ມີນາ 2017 ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ນຳໂດຍສະຫາຍ ບຸນຍັງ ວໍລະຈິດ ​ເລຂາທິການ​ໃຫຍ່ຄະນະ​ບໍລິຫານ​ງານສູນ​ກາງ​ພັກ, ປະທານປະເທດແຫ່ງ ສປປ ລາວ ໄດ້ເຂົ້າວາງກະຕ່າດອກໄມ້ ຢູ່​ອານຸສອນ​ສະຖານ ​ປະທານ​ໄກສອນ ພົມວິຫານ ເນື່ອງໃນໂອກາດຄົບຮອບ 62 ປີ ແຫ່ງການສ້າງຕັ້ງພັກ ປະຊາຊົນປະຕິວັດລາວ ( 22 ມີນາ 1955 -22 ມີນາ 2017).

ການວາງກະຕ່າດອກໄມ້ໃນຄັ້ງນີ້, ເພື່ອລະນຶກເຖິງຄຸນງາມຄວາມດີ ຂອງທ່ານຜູ້ນຳທີ່ແສນເຄົາລົບຮັກ ທີ່ໄດ້ເສຍສະຫລະເລືອດເນື້ອ ນຳພາປະຊາຊົນລາວບັນດາເຜົ່າ ຕໍ່ສູ້ຕ້ານການຮຸກຮານຂອງພວກຈັກກະພັດ ຈົນສາມາດກອບກູ້ເອົາຜືນແຜ່ນດິນ ອັນແສນເຄົາລົບຮັກ ມາສູ່ປະຊົນລາວບັນດາເຜົ່າ ​ແລະ ສະຖາ​ປານາ​ ເປັນ​ປະ​ເທດ​ສາທາລະນະລັດ ປະຊາທິປະ​ໄຕ ປະຊາຊົນ​ລາວ ຈົນ​ເຖິງ​ປັດຈຸບັນ

ແຫຼ່ງຂ່າວ: ສຳນັກຂ່າວສານປະເທດລາວ