ສຳນັກຂ່າວຕ່າງປະເທດລາຍງານເມື່ອວັນທີ 21 ມີນາ 2017 ວ່າ ທ່ານ ນາງ ປາກກຶນເຮ ອະດີດປະທານາທິບໍດີເກົາຫຼີໃຕ້ ໄດ້ເຂົ້າໃຫ້ປາກຄຳກັບໄອຍະການ, ເຊິ່ງຜູ້ທີ່ສະໜັບສະໜູນ ທ່ານ ນາງ ປາກກຶນເຮ ຕ່າງພາກັນມາຮວມຕົວຢູ່ໜ້າເຮືອນຂອງລາວໃນກຸງໂຊນ, ຂະນະທີ່ ປາກກຶນເຮ ຖືກເຈົ້າໜ້າທີ່ຕຳຫຼວດ ພາຕົວໄປສຳນັກງານໄອຍະການ
ເຖິງແມ່ນຖືກຂໍ້ກ່າວຫາມາຫຼາຍເດືອນ ແຕ່ປາກກຶນເຮ ຫາກໍຖືກນຳຕົວເຂົ້າສູ່ ຂະບວນການສອບສວນ ຫຼັງສູນເສຍເອກະສິດຄຸ້ມກັນ ເພາະຖືກປົດອອກຈາກຕຳແໜ່ງປະທານາທິບໍດີ ເຊິ່ງ ທ່ານ ນາງ ປາກກຶນເຮ ໄດ້ຂໍໂທດຕໍ່ສາທາລະນະ ແລະຢືນຢັນວ່າຈະໃຫ້ຄວາມຮ່ວມມມື ກັບຂະບວນການສອບສວນ
ທ່ານ ນາງປາກກຶນເຮ ເຊິ່ງເປັນປະທານາທິບໍດີ ທີ່ມາຈາກການເລືອກຕັ້ງຄົນທຳອິດຂອງເກົາຫຼີໃຕ້ ທີ່ຖືກຖອດຖອນອອກຈາກຕຳແໜ່ງ ມີຄວາມສ່ຽງທີ່ຈະຖືກຕັ້ງຂໍ້ຫາວ່າ ເຮັດຜິດທາງອາຍາ, ເນື່ອງຈາກຍອມໃຫ້ນາງ ຊະເວ ຊຸນຊິລ ຫາປະໂຫຍດຈາກຄວາມໃກ້ຊິດ ດ້ວຍການບີບໃຫ້ບໍລິສັດຊັ້ນຕຳຕ່າງໆ ບໍລິຈາກເງິນໃຫ້ກັບມູນນິທິ ທີ່ລາວບໍລິຫານ ເພື່ອແລກຜົນປະໂຫຍດທາງການເມືອງ