ທ່ອງທ່ຽວກັບລາວໂພສຕ໌ ມື້ນີ້ເຮົາໜີຮ້ອນໄປເພິ່ງເຢັນກັນດີກວ່າ ຫາກໃຜມີແຜນລົງໄປທາງພາກໃຕ້ບໍ່ວ່າຈະໄປທ່ຽວ ຫຼື ໄປທຸລະທາງລັດຖະການ ຫຼື ທຸລະສ່ວນຕົວກໍ່ຕາມ ຫາກໄດ້ກາຍມາທາງເມືອງ ປາກຊ່ອງ ກໍ່ຢ່າລືມມາແວ່ຫຼິ້ນນ້ຳຕົກເຢັນໆ ຢ່າງນ້ຳຕົກຕາດເຊກະຕາມຕົກ ກັນກ່ອນ ຮັບຮອງວ່າທ່ານຈະສົດຊື່ນທັງກາຍໃຈໄດ້ແນ່ນອນ
ນໍ້າຕົກຕາດເຊກະຕາມຕົກ ຕັ້ງຢູ່ທາງທິດຕາເວັນອອກຂອງພູພຽງບໍລິເວນ ຫ່າງຈາກຕົວເມືອງປາກຊ່ອງ ປະມານ 44 ກິໂລແມັດ ( ໄປທາງຕັດໃຫມ່ ໄປອັດຕະປື ກາຍສວນອາງຸ່ນລາວທະນາຖອນໄປ ປະມານ 3-4 ກິໂລແມັດ, ຖ້າມາແຕ່ປາກຊ່ອງຈະຢູ່ເບື້ອງຂວາມື) ເກີດຈາກຫ້ວຍກະຕາມ ທີ່ຕົກລົງສູ່ພືນປ່າເບື້ອງລຸ່ມ ປະມານ 100 ແມັດ ເປັນນໍ້າຕົກຕາດຂະຫນາດໃຫຍ່ ມີນໍ້າຕະຫລອດປີ.
ໂດຍສະເພາະໃນລະຫວ່າງເດືອນທັນວາ ຫາ ເດືອຍມັງກອນ ຈະມີດອກທຽນປ່າບານ ໃນບໍລິເວນລຸ່ມນໍ້າຕົກ ເຊິ່ງສາມາດແນມໄດ້ເຫັນແຕ່ໄກຈາກຈຸດຊົມວິວສາມາດພາກັນມາທ່ຽວຊົມໄດ້ ເວົ້າແລ້ວກໍ່ຄົງຈະຢາກເຫັນພາບກັນແລ້ວແມ່ນບໍ່ ແອັດມິນມີມາຝາກ ເຮົາມາເບິ່ງນຳກັນເລີຍ
ຮູບພາບ ແລະ ຂໍ້ມູນຈາກເຟສບຸ໊ກ: The Journey Alone