ໃນລະຫວ່າງປີ 1945 – 1962 ເຊິ່ງເປັນຊ່ວງໄລຍະສົງຄາມໂລກຄັ້ງທີ 2 ແລະ ສົງຄາມເຢັນ ສະຫະລັດອາເມລິກາໄດ້ມີການທົດສອບອາວຸດນິວເຄຣຍກວ່າ 200 ເທື່ອ ເຊິ່ງມີການທົດສອບທັງການລະເບີດເທີງຜິວໂລກ ແລະ ການລະເບີດທີ່ຊັ້ນບັນຍາກາດ ເພືອເຮັດການສຶກສາອານຸພາບຄວາມຮ້າຍແຮງຂອງອາວຸດທີ່ມີພະລັງທຳລາຍລ້າງສູງນີ້ ແລະ ມີການຖ່າຍຄລິບວິດີໂອການທົດລອງອາວຸດນິວເຄຣຍເກັບໄວ້ ທັງໃນຮູບແບບຂອງຟີມຮູບເງົາ, ທັງແບບສີ ແລະ ຂາວດຳ ເກັບເອົາໄວ້ເປັນຈຳນວນຫຼາຍ ເປັນຈຳນວນກວ່າ 10,000 ຊຸດ ເຊິ່ງໄດ້ຖືກເກັບໄວ້ເປັນຢ່າງດີພາຍໃຕ້ການຮັກສາຄວາມປອດໄພຢ່າງໜາແໜ້ນ ໂດຍສະຖານທີ່ຈັດເກັບນັ້ນຢູ່ກະຈາຍທົ່ວສະຫະລັດອາເມລິກາ

ແລະນີ້ຖືວ່າເປັນຄັ້ງທຳອິດ ທີມີການນຳແຜ່ນຟີມຈຳນວນໜຶ່ງທີ່ເຄີຍເປັນຄວາມລັບອັນດຳມືດ ມາສະແກຣນເກັບເປັນໄຟລວິດີໂອ ໂດຍມີຄລິບວິດີໂອຫຼາຍກວ່າ 750 ຄລິບທີ່ທາງການສະຫະລັດບໍ່ຕ້ອງການປິດບັງອີກຕໍ່ໄປ ແລະ ຕ້ອງການເປີດເຜີຍໃຫ້ສາທາລະນະໄດ້ຮັບຮູ້ເຖິງຄວາມຮຸນແຮງຂອງອາວຸດນິວເຄຣຍ ເຊິ່ງມີກວ່າ 60 ຄລິບການທົດລອງທີ່ປ່ອຍລົງຢູທູປ (ລອງເຂົ້າໄປທີ່ຢູທູປແລ້ວຄົ້ນຫາຄຳວ່າ LLNL Atmospheric Nuclear Tests) ແຕ່ມື້ນີ້ແອັດມິນມີ 3 ຄລິບມາຝາກ ຖ້າໃຜຕ້ອງການເບິ່ງຫຼາຍກວ່ານີ້ກໍ່ໄປຊອກຫາເບິ່ງໄດ້.