ສາລະໜ້າຮູ້ມື້ນີ້ ແອັດມິນມາເອົາໃຈທີ່ມັກໃຊ້ນ້ຳຫອມເປັນປະຈຳ ໂດຍການນຳສູດເຄັດລັບດີໆກ່ຽວກັບການເຮັດໃຫ້ນ້ຳຫອມຕິດດົນຕິດທົນ ສີດເທື່ອດຽວຫອມແຕ່ເຊົ້າຮອດຄ່ຳມາຝາກ ເຊິ່ງເຄັດລັບທີ່ວ່ານັ້ນກໍ່ງ່າຍແສນງ່າຍ ພຽງແຕ່ທ່ານເລືອກເຮັດວິທີໃດໜຶ່ງດັ່ງຕໍ່ໄປນີ້
- ກ່ອນຈະສີດນ້ຳຫອມໃສ່ຮ່າງກາຍໃຫ້ທ່ານທາໂລຊັ່ນທາຜິວລົງກ່ອນ ຈາກນັ້ນຈິ່ງຄ່ອຍສີດນ້ຳຫອມລົງ
- ການປະສົມນ້ຳຫອມກັບໂລຊັ່ນທາຜິວເຂົ້າໃສ່ກັນກ່ອນແລ້ວຈິ່ງຄ່ອຍທາລົງຜິວເຮົາ ວິທີນີ້ຈະເຮັດໃຫ້ກິ່ນນ້ຳຫອມປ່ຽນໄປຈາກກິ່ນເກົ່າ ແຕ່ຮັບຮອງຄວາມຕິດທົນນານຂອງກິ່ນແນ່ນອນ
- ສີດນ້ຳຫອມໃສ່ສຳລີແລ້ວຢັດໄວ້ໃນຖົງໂສ້ງ, ຖົງເສື້ອ ຮັບຮອງວ່າກິ່ນນ້ຳຫອມຈະກະຈາຍໄປທົ່ວຈົນຄົນທາງຂ້າງຫັນມາສົນໃຈທ່ານ
- ກ່ອນຈະຫວີຜົມກໍ່ສີດນ້ຳຫອມໃສ່ຫວີກ່ອນ ເພາະເວລາຫວີຜົມຄວາມກອມຈະໄດ້ຕິດຢູ່ທີ່ເສັ້ນຜົມຂອງທ່ານ
- ທາໂລຊັ່ນທາຜິວໃສ່ຈຸດຊີບພະຈອນຢ່າງ: ຂໍ້ມື, ຂໍພັບ, ຄໍ, ຂາ, ແຂນ, ແອວ ແລະ ຈະມັບ ກ່ອນທີ່ຈະສີດນ້ຳຫອມລົງ
- ຫອມຮອດຊຸດຊັ້ນໃນ ໂດຍການແຊ່ຊຸດສັ້ນໃນຂອງທ່ານລົງໃນນ້ຳທີ່ປະສົມຢົດນ້ຳຫອມເລັກໜ້ອຍປະມານ 5-10 ນາທີກ່ອນນຳໄປຕາກ
- ການສີດນ້ຳຫອມໃສ່ຕົວເອງຕ້ອງອ່ານລາຍລະອຽດຂອງມັນກ່ອນ ປະລິມານທີ່ສີດກໍ່ຄວນຢູ່ໃນລະດັບທີ່ພໍດີ ບໍ່ໜ້ອຍບໍ່ຫຼາຍຈົນເກີດໄປ
- ເວລາລີດເສື້ອຜ້າ ໃຫ້ທ່ານຢອດນ້ຳຫອມລົງໜ້າຕຳລີດເລັກໜ້ອຍຈິ່ງຄ່ອຍລີດຮັບຮອງວ່າກິ່ນຫອມຈະຕິດທີ່ເສື້ອທ່ານແນ່ນອນ
- ການເກັບຮັກສານ້ຳຫອມແມ່ນເກັບໄວ້ໃນຕູ້ເສື້ອຜ້າດີທີສຸດ ເພາະເປັນສະຖານທີ່ທີ່ແຫ້ງ, ອາກາດເຢັນ ແລະ ມີດ ບໍ່ຄວນເກັບນ້ຳຫອມໄວ້ໃນທີ່ທີ່ຕ້ອງແສງ ຫຼື ມີອາຍນ້ຳ ເພາະຈະສົ່ງຜົນໃຫ້ກິ່ນນ້ຳຫອມຈາງລົງ