spot_img
Homeຂ່າວພາຍ​ໃນອພບ ເຮັດບໍ່ທັນ ປະຊາຊົນຈູດໃຫ້ເອງ ຕົ້ນຈຳປາມູນຄ່າມະຫາສານຕາຍເປັນແຖວ

ອພບ ເຮັດບໍ່ທັນ ປະຊາຊົນຈູດໃຫ້ເອງ ຕົ້ນຈຳປາມູນຄ່າມະຫາສານຕາຍເປັນແຖວ

Published on

ສຳນັກຂ່າວລາວໂພສຕ໌ ໄດ້ຮັບການແຈ້ງຈາກ ເພື່ອນຜູ້ອ່ານທາງສັງຄົມອອນລາຍ ພ້ອມຮູບປະກອບວ່າ ບັນດາຕົ້ນຕົ້ນໄມ້ປະດັບ ໂດຍສະເພາະຕົ້ນດອກຈຳປາທີ່ລະດົມກັນປູກໃນຫຼາຍປີທີ່ຜ່ານມາ ຄິດເປັນມູນຄ່າຈຳນວນມະຫາສານ ໄດ້ຖືກໄຟລາມໄໝ້ ເຮັດໃຫ້ຕົ້ນຈຳປາຈຳນວນຫຼາຍແຫ້ງຫ່ຽວຕາຍຢ່າງໜ້າເສຍດາຍ.

ພາຍຫຼັງໄດ້ຮັບແຈ້ງ ທີມຂ່າວພວກເຮົາໄດ້ລົງໄປເບິ່ງຕົວຈິງ ພົບວ່າເກືອບຕະຫຼອດເສັ້ນທາງ 450 ປີ ແລະເສັ້ນທາງຕັດໃໝ່ແຕ່ໜອງບຶກ-ໜອງບົວທອງ ແມ່ນມີຮ່ອງຮອຍໄຟລາມປ່າ ທັງຄັນຄູກາງທາງແລະສອງຂ້າງທາງ ເຊິ່ງເຮັດໃຫ້ຕົ້ນໄມ້ປະດັບທີ່ຖືກປູກຂຶ້ນໃນຊຸມປີຜ່ານມາ ຖືກໄຟລົນ, ລວກ ແລະເຜົາ ມີສະພາບແຫ້ງຫ່ຽວແລະຕາຍໄປກໍມີ.

ໃນລະດູການທີ່ຜ່ານມາ ເສັ້ນທາງດັ່ງກ່າວທັງ 2 ເສັ້ນທາງ ໄດ້ມີຫຍ້າເກີດຂຶ້ນປົກຄຸມ ຈົນເຮັດໃຫ້ບາງຍ່ານລົດທີ່ແລ່ນຜ່ານບໍ່ສາມາດເບິ່ງເຫັນຊ່ອງທາງຟາກກົງກັນຂ້າມເລີຍ ເນື່ອງຈາກມີຫຍ້າສູງບົດບັງ. ໃນຂະນະດຽວກັນ ໜ່ວຍງານອະນາໄມ ທີ່ເຂົ້າໃຈວ່າ ຖືກຈັດຕັ້ງນຳພາໂດຍ ອົງການພັດທະນາແລະບໍລິຫານຕົວເມືອງ (ອພບ) ນະຄອນຫຼວງວຽງຈັນ ໄດ້ເອົາໃຈໃສ່ອະນາໄມ ດ້ວຍການຕັດຫຍ້າໃນເສັ້ນທາງດັ່ງກ່າວນັ້ນອອກຢູ່ ແຕ່ຍັງເຫັນວ່າເຮັດໄດ້ເປັນບາງຍ່ານເທົ່ານັ້ນ. ແລະໄລຍະຂອງການລົງກວດກາສະພາບແລະການເຮັດອະນາໄມແມ່ນຂ້ອນຂ້າງຫ່າງ ຈົນເຮັດໃຫ້ເກີດມີຫຍ້າຮົກເຮື້ອຂຶ້ນ ເມື່ອຕົກມາເຖິງລະດູແລ້ງ ຫຍ້າທີ່ເຄີຍປົກຄຸມກໍແຫ້ງຫ່ຽວ ເປັນສາເຫດໃຫ້ມີຜູ້ບໍ່ຫວັງດີ (ຫຼືຫວັງດີກໍໄດ້) ເອົາໄຟຈູດລາມຫຍ້າດັ່ງກ່າວ ເພື່ອໃຫ້ມີຄວາມເປີດແປນ ພາໃຫ້ໄຟລົນເອົາຕົ້ນໄມ້ປະດັບໃຫ້ແຫ້ງຫ່ຽວເສົາຕາຍໄປຈຳນວນຫຼາຍ.

(ນັກຂ່າວ) ຖ້າຫາກພໍມີທຶນຮອນຈຳນວນໃດໜຶ່ງ ແລ້ວໃຫ້ພາກເອກະຊົນ ຫຼືບຸກຄົນໃດໜຶ່ງ ເຂົ້າປະມູນເຮັດອະນາໄມ ກໍຄົງຈະເປັນທາງອອກທີ່ດີ ທັງຊ່ວຍໃຫ້ມີຄວາມສວຍງາມ ທັງຍັງສາມາດຮັກສາຕົ້ນໄມ້ປະດັບທີ່ປູກໄວ້ນັ້ນໃຫ້ຍືນຍົງຢູ່ໄດ້. ເພາະຕົ້ນຈຳປາຖືໄດ້ວ່າເປັນຕົ້ນດອກໄມ້ເອກະລັກປະຈຳຊາດລາວຂອງເຮົາ.

ຢູ່ປະເທດຍີ່ປຸ່ນ ຕົ້ນດອກສະກຸຣະ ເຖິງແມ່ນວ່າມັນຈະເປັນດອກພຽງໄລຍະສັ້ນໆ 2-3 ອາທິດຕໍ່ປີ ແຕ່ເຂົາເຈົ້າໄດ້ນຳມາປູກປະດັບຕາມແຄມທາງຢ່າງຫຼວງຫຼາຍ ແລະມີການຕັດແຕ່ງກິ່ງງ່າໃຫ້ສວຍງາມຢູ່ສະເໝີ ແມ່ນແຕ່ຕົ້ນຫລ້ອນໆ ບໍ່ມີໃບບໍ່ມີດອກກໍເບິ່ງງາມໄດ້. ແຕ່ຖ້າທຽບກັບດອກຈຳປາຂອງລາວ ຕົ້ນກໍງາມ, ໃບກໍງາມ, ດອກກໍງາມ ແລະທັງຍັງມີກິ່ນອັນຫອມຫວນອີກ ຖ້າເຮົາສາມາດສົ່ງເສີມກັນປູກແລະບຳລຸງຮັກສາໄດ້ ກໍຄົງຈະໂດດເດັ່ນບໍ່ນ້ອຍໜ້າດອກໄມ້ຊະນິດໃດໃນໂລກນີ້.

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...