ໄລຍະ 7 ເດືອນຕົ້ນປີ ຈຳນວນສະຖິຕິຂຶ້ນທະບຽນພາຫະນະມີແລ້ວທັງໝົດ 30 ພັນກວ່າຄັນ, ໃນນັ້ນ ເດືອນມັງ
ກອນຫຼາຍກວ່າໝູ່ ໂດຍສ່ວນໃຫຍ່ແມ່ນລົດຈັກກວມອັດຕາສູງ.
ອີງຕາມຂໍ້ມູນຈາກ ກອງຄຸ້ມຄອງພາຫະນະ ແລະ ການຂັບຂີ່ພະແນກໂຍທາທິການ ແລະ ຂົນສົ່ງນະຄອນຫຼວງ
ວຽງຈັນແຈ້ງໃຫ້ຮູ້ວ່າ: ນັບແຕ່ຕົ້ນເດືອນມັງກອນຫາກໍລະກົົດ 2014 ນີ້ ຕົວເລກລວມ ການເຂົ້າມາຂຶ້ນທະບຽນ
ລົດໃໝ່ຂອງຜູ້ຂັບຂີ່ຢູ່ໃນນະຄອນຫຼວງວຽງຈັນ ມີທັງໝົດ 32.208 ຄັນ, ໃນນີ້ ສະເພາະເດືອນມັງກອນມີ 5.697
ຄັນ, ກຸມພາ 5.344 ຄັນ, ມີນາ 4.980 ຄັນ, ເມສາ 4.383 ຄັນ, ພຶດສະພາ 4.154 ຄັນ ແລະ ໃນເດືອນມິຖຸນາມີ
3.647 ຄັນ.
ໂດຍໃນເດືອນຫຼ້າສຸດແລ້ວ ອັດຕາມາຂຶ້ນທະບຽນແມ່ນສູງຂຶ້ນ ເມື່ອທຽບໃສ່ເດືອນມິຖຸນາທີ່ມີ 4.003 ຄັນ, ໃນນີ້
ລົດຈັກມີ 2.362 ຄັນ, ລົດເກັງ 517 ຄັນ, ລົດກະບະ 666 ຄັນ, ລົດຈິບ 173 ຄັນ, ລົດຕູ້ 115 ຄັນ, ລົດບັນທຸກ 159
ຄັນ ແລະ ລົດໂດຍສານ 11 ຄັນ.
ຂໍ້ມູນຍັງໃຫ້ຮູ້ອີກວ່າ: ຖ້າເລີ່ມແຕ່ເດືອນມັງກອນຫາກໍລະກົດ ລວມທຸກປະເພດລົດຈັກລວມມີ 19.455 ຄັນ, ລົົດ
ເກັງ 3.290 ຄັນ, ລົດກະບະ 5.264 ຄັນ, ລົດຈິບ 1.387 ຄັນ, ລົດຕູ້ 932 ຄັນ, ລົດບັນທຸກ 1.772 ຄັນ ແລະ ລົດໂດຍ
ສານ 108 ຄັນ.
ສຳລັບຕົວເລກລວມຂອງພາຫະນະ ຢູ່ໃນນະຄອນຫຼວງວຽງຈັນ ທີ່ໄດ້ມີການບັນທຶກສະຖິຕິນັບແຕ່ປີ 2000 ມາ
ເຖິງປະຈຸບັນມີທັງໝົດແລ້ວ 682.045 ຄັນ.
ແຫຼ່ງຂ່າວ: http://www.sedthakid.la/home/khao/19914.html