ເປັນອີກໜຶ່ງຄຳຖາມກ່ຽວກັບເລື່ອງເພດສຳພັນທີ່ໜ້າສົນໃຈ ການມີເຊັກສ໌ນັ້ນ ສາມາດເຮັດໃຫ້ເຮົາຮູ້ສຶກເຈັບປ່ວຍໄດ້ ຫຼື ບໍ່? ໃນຄໍລຳ ຄວາມຮັກ ກັບ ເຊັກສ໌ ມື້ນີ້ເຮົາຈະມາຫາຄຳຕອບໄປພ້ອມກັນ.
ກໍ່ຄືຮູ້ຈັກກັນດີແລ້ວວ່າ ການມີເພດສຳພັນໃນລະດັບທີ່ພໍດີນັ້ນນັບວ່າເປັນສິ່ງທີ່ດີຕໍ່ສຸຂະພາບ ເພາະຈະຊ່ວຍໃຫ້ທ່ານມີພູມຄຸ້ມກັນທີ່ດີຂຶ້ນ ຫຼຸດຄວາມຄຽດ ເພີ່ມຄວາມສາມາດໃນການອົດທົນຕໍ່ຄວາມເຈັບປ່ວຍໄດ້ ແລະ ເຮັດໃຫ້ນອນ ຫຼັບສະບາຍ ແຕ່ກໍ່ຄືເຮົາຮູ້ຈັກດີວ່າ ຫາກມີເພດສຳພັນທີ່ຫຼາຍຈົນເກີນໄປກໍ່ອາດນຳຄວາມເຈັບປ່ວຍມາສູ່ທ່ານໄດ້ຄືກັນ ເຊິ່ງມີເຫດຜົນດັ່ງນີ້:
1. Orgasm Overload ຫຼື ມາຈາກອາການທີ່ມາຈາກການກະຕຸ້ນຫຼາຍຈົນເກີນໄປ ການກະຕຸ້ນຈຸດສຽວຫຼາຍໆ ຈຸດໃນເວລາພ້ອມໆ ກັນນັ້ນອາດເຮັດໃຫ້ລະບົບປະສາດທຳງານໜັກຈົນເກີນໄປ ຜົນທີ່ໄດ້ຄືຮ່າງກາຍຈະມີການລັ່ງສານສື່ປະສາດໄປພ້ອມກັນ ກັບການຂະຫຍາຍຕົວຂອງເສັ້ນເລືອດ ເຮັດໃຫ້ເກີດອາການວິນຫົວ ຫຼື ປວດຮາກໄດ້ ນອກ ຈາກນັ້ນຍັງພົບອາການທີ່ເກີດຂຶ້ນຫຼາຍໃນກຸ່ມຜູ້ຊາຍຄື ອາການໄຂ້ຫຼັງມີເພດສຳພັນ
2. ຄວາມຫົດຫູ່ ກິດຈະກຳເທິງຕຽງຄວນຈະເປັນກິດຈະກຳທີ່ຊ່ວຍກະຕຸ້ນອາລົມ ແຕ່ 1 ໃນ 3 ຂອງແມ່ຍິງທັງໝົດໄດ້ກ່າວໄວ້ວ່າ ມີຄວາມຮູ້ສຶກຕິງຄຽດຢ່າງໜ້ອຍເທື່ອໜຶ່ງຫຼັງຈາກມີເພດສຳພັນ ເພາະ 10% ຂອງແມ່ຍິງທີ່ຮູ້ສຶກຊຶມເສົ້າ ກັງວົນ ຫຼື ຮູ້ສຶກຜິດ ຫຼັງມີເພດສຳພັນນັ້ນ ມັນຈະມີສາເຫດມາຈາກການປ່ຽນແປງຂອງຮໍໂມນລະຫວ່າງເຮັດກິດຈະກຳນັ້ນເອງ.
3. ປວດຫົວ ທ່ານອາດຈະບໍ່ຮູ້ມາກ່ອນ ແຕ່າເພດສຳພັນນັ້ນສາມາດກະຕຸ້ນໃຫ້ໄມເກຣນຂຶ້ນໄດ້ ໂດຍອາການປວດຫົວທີ່ເກີດຂຶ້ນນັ້ນມີຢູ່ສອງປະເພດ ປະເພດທຳອິດຄື ອາການທີ່ເກີດກ່ອນການເຖິງຈຸດສຸດຍອດ ເຊິ່ງເກີດຈາກຄວາມຕື່ນເຕັ້ນຂອງຮ່າງກາຍ ແລະ ປະເພດທີສອງຈະເປັນອາການປວດຫົວຢ່າງຮຸນແຮງທີ່ເກີດຂຶ້ນຈາກການເຖິງຈຸດສຸດຍອດ
4. ອາການແພ້ ເກີດໄດ້ຈາກການແພ້ຖົງຢາງອານາໄມ ການແພ້ຢາຂ້າສະເປີມ ຫຼື ເຈລຫຼໍ່ລີ້ນ ເຊິ່ງບາງເທື່ອ ແມ່ຍິງບາງຄົນອາດຈະມີອາການແພ້ຕໍ່ສະເປີມໄດ້ ເນື່ອງຈາກອາດມີໂປຣຕິນໃນສະເປີມທີ່ແປກປອມ ເຮັດໃຫ້ຮ່າງກາຍມີການຕອບສະໜອງ ແຕ່ໃນເວລາຜ່ານໄປອາການເຫຼົ່ານັ້ນອາດຈະລຸດລົງໄດ້ ສ່ວນການແພ້ຈາກຖົງຢາງອານາໄມ ແລະ ສານຫຼໍ່ລື້ນນັ້ນສາມາດແກ້ໄຂໄດ້ໂດຍການເລືອກໃຊ້ຖົງຢາງອານາໄມທີ່ບໍ່ມີຢາງພາລາປະສົມ ຫຼື ໃຊ້ສານຫຼໍ່ລີ້ນ ທີ່ບໍ່ມີສານໄກລເຊີຣີນ ແລ ພາຣາເບນເປັນສ່ວນປະສົມຢູ່
ແຫລ່ງຂໍ້ມູນຈາກ: http://www.tvpoolonline.com/content/156344