ເວັບໄຊຂ່າວສົດ ລາຍງານເມື່ອວັນທີ 10 ມີນາ 2017ວ່າ ສະໂມສອນ ບຣາເຊໂລນ່າ ຢືນຢັນການຕໍ່ສັນຍາສະບັບໃໝ່ກັບ ອິວານ ຣາຄິຕິຊ ກອງກາງ ໄວອາຍຸ 28 ປີ ທີມຊາດໂຄຣເອເຊຍ ຮຽບຮ້ອຍແລ້ວ ເຊິ່ງດາວດັງຄົນນີ້ຍັງຈະຢູ່ທີ່ ບຣາເຊໂລນ່າ ເຖິງ 2021 ໂດຍມີຄ່າຕົວເຖິງ 125 ລ້ານຢູໂຣ ເຊິ່ງການເຊັນສັນຍາຕໍ່ຄັ້ງນີ້ ໄດ້ຢຸດຕິຂ່າວທີ່ວ່າ ຣາຄິຕິຊ ກຽມຍ້າຍໄປຢູ່ກັບ ແມນຊີຕີ້ ທີມເງິນໃນພຣີເມຍລີກ ອັງກິດ
ຣາຄິຕິຊ ເປັນກຳລັງສຳຄັນຂອງ ບຣາເຊໂລນ່າ ກັບການສູ້ເສີກໃນລະດູການນີ້ ຍິງ 6 ປະຕູລວມທຸກລາຍການ ມີສ່ວນຊ່ວຍໃນ ບຣາເຊໂລນ່າ ເປັນທີມນຳໃນ ລາລີກາ ແລະ ເຂົ້າຮອບ 8 ທີມ ຢູຟາ ແຊັມປ້ຽນລີກ