ເວັບໄຊຂ່າວສົດລາຍງານເມື່ອວັນທີ 9 ມີນາ 2017ນີ້ວ່າ ສຳນັກຂ່າວ ເອພີລາຍງານຄວາມຄືບໜ້າຂອງຕຳຫຼວດລັດ ຄວິນສ໌ແລນ ປະເທດ ອັອສເຕຣເລຍ ຖະແຫລງຕັ້ງຂໍຫາ ທ້າວ ກໍດອນ ດັກລາສ ຊາລເມີ ໄວອາຍຸ 42 ປີ ອາຈານບັນລະຍາຍ ໃນຊັ້ນຮຽນທີ່ມະຫາວິທະຍາໄລ ຄວິນສ໌ແລນ ຢູນີເວີຊີຕີ້ ອອຟ ເທັກໂນໂລຢີ ເມືອງ ບຣິສເບນ ໃນຂໍ້ຫາແອບອ້າງເປັນ ນັກຮ້ອງໜຸ່ມຊື່ດັງ “ຈັສຕິນ ບີເບີ” ກໍ່ເຫດລ່ວງລະເມີດທາງເພດຍິງສາວກວ່າ 157 ຄົນທົ່ວໂລກ ໃນປີ 2007
ຜູ້ຖືກຫາລາຍນີ້ ຖືກຕັ້ງຂໍຫາຕັ້ງແຕ່ເດືອນ ພະຈິກ 2016 ທີ່ຜ່ານມາ ແຕ່ຫຼ້າສຸດພົບຂໍ້ມູນລັບໃນແລັບທ໊ອບຂອງຊາຍຜູ້ນີ້ ໃຊ້ທັງເຟສບຸ໊ກ ແລະ ສະໄກລ ທີ່ແອບອ້າງຕົນເປັນນັກຮ້ອງໜຸ່ມ ຈັສຕິນ ບີເບີ ລໍ້ລວງໃຫ້ຍິງສາວສົ່ງຮູບພາບອານາຈານໃຫ້ ດັ່ງນັ້ນເຈົ້າໜ້າທີ່ຕຳຫຼວດຈິ່ງຕັ້ງຂໍ້ຫາເພີ່ມອີກເປັນ 931 ຂໍ້ ໃນຈຳນວນນີ້ມີຂໍ້ກ່າວຫາຂົ່ມຂືນ ແລະ ເຮັດສື່ເອົາປະໂຫຍດທາງເພດກັບເດັກ
ຄະດີນີ້ ຕຳຫຼວດໃຊ້ຄວາມຮ່ວມມືຈາກຫຼາຍປະເທດ ໂດຍສະເພາະສະຫະລັດອາເມລິກາ ແລະ ເຢຍລະມັນ ພົບວ່າມີເດັກ ແລະ ໄວຮຸ່ນອາຍຸນ້ອຍທີ່ຖືກຫຼອກໃຫ້ຄິດວ່າກຳລັງສົນທະນາຢູ່ກັບນັກຮ້ອງໜຸ່ມ ບີເບີ ທາງອອນໄລນ໌ເປັນຈຳນວນຫຼາຍ.