ບັນເທີງດາລາ ກັບ ລາວໂພສຕ໌ ມື້ນີ້ ແອັດມີຂ່າວດີມາບອກເຖິງໜຸ່ມ-ສາວ ແລະ ນ້ອງໆທີ່ມີອາຍຸບໍ່ເກີນ 28 ປີ ມື້ນີ້ໂອກາດດີມາຮອດແລ້ວ ຊ້າຢູ່ເຮັດຫຍັງ? ກັບການປະກວດ LAO SUPER MODEL 2017 ໃນຮູບແບບຂອງລາຍການ Reality ປະກາດຮັບສະຫມັກ ນາງແບບ – ນາຍແບບ ແລະ ເດັກນ້ອຍຫນ້າຮັກ ໜ້າໃໝ່ເພື່ອມາປະດັບວົງການບັນເທີງບ້ານເຮົາ

ປີນີ້ຂໍບອກວ່າຍັງຄົງຄວາມ…ແຊ໊ບ! ເຂັ້ມຂຸ້ນຄົບຣົດຊາດປານຕຳໝາກຮຸ່ງໃສ່ປາແດກຕ້ອນພຸ້ນລະ ເພາະເບິ່ງຈາກ Coach ທັງ 3 ແຕ່ລະຄົນເຫັນໜ້າແລ້ວກໍ່ຮູ້ເລີຍວ່າ ງານນີ້ພວກເຂົາບໍ່ໄດ້ມາຫຼິ້ນໆ ທຸກຢ່າງຈັດເຕັມແນ່ນອນ! ເບິ່ງໂປຣຟາຍຂອງແຕ່ລະຄົນ ອື້ຮື… ເດັດໆກັນທັງນັ້ນ ມາເລີ່ມຕົ້ນທີ່ຄົນທຳອິດກັນເລີຍກັບ

+ Toh Xtreme, ຜູ້ກຳກັບ ແລະ ໂປຣດິວເຊີ້ ລະດັບເທບ ຊຶ່ງຢູ່ເບື້ອງຫລັງຜົນງານຂອງສິນລະປິນດັງໆຫລາຍທ່ານ ເຊັ່ນ Aluna, Annita, Bob Freeman, Kob Kiengkai ແລະ ອີກທັງຍັງມີຜົນງານທີ່ໂດດເດັ່ນທາງດ້ານສື່ໂຄສະນາຕ່າງໆ.

+ Tot Lina, ນາງແບບໂຕແມ່ຂອງວົງການ ທີ່ມາກດ້ວຍປະສົບການ ແລະ ຫລາກຫລາຍບົດບາດໃນວົງການບັນເທີງລາວ. ດ້ວຍ charactor ຂອງນາງ ເຮັດໃຫ້ກາຍເປັນແຮງບັນດາໃຈຂອງສາວໆຫລາຍທ່ານ ທີ່ຢາກມີໂອກາດໄດ້ຮັບການຝຶກແບບເຂັ້ມໆຈາກນາງ.

+ Paul Fashion Icon, ແຟຊັ້ນ ໄອຄອນ ທີ່ໂດດເດັ່ນທາງການການແຕ່ງກາຍ ແລະ sense ຂອງ fashion ທີ່ແມ້ນຢຳ ຊຶ່ງສະສົມປະສົບການຈາກຫລາກຫລາຍເວທີ ທັງໃນລາວ ແລະເວທີ International Fashion Runway.

*** ມາດຕະຖານການສະຫມັກ ***
~ Model ອາຍຸ 18-28 ປີ ຂຶ້ນໄປ ~
ນາງແບບ: ສູງ 165 ຊມ ຂຶ້ນໄປ
ນາຍແບບ: ສູງ 165 ຊມ ຂຶ້ນໄປ
~ ເດັກຫນ້າຮັກ 6 – 10 ປີ ຂຶ້ນໄປ ~
ຮອບທີ່ 1: ຄັດເອົາ 40 ຄົນ (ຍິງ 20 ນາງ ແລະ 20 ທ້າວ) ຈາກຟອມຮັບສະຫມັກ ໃນວັນທີ 6 ພຶດສະພາ 2017
ຮອບທີ່ 2: ຄັດຈາກ 40 ຄົນ ເອົາ 20 ຄົນ (ຍິງ 10 ນາງ ແລະ 10 ທ້າວ)
ສາມາດຕິດຕໍ່ຮັບໃບສະຫມັກໄດ້ທີ່:
ບໍລິສັດ LT ຈຳກັດ
ຫລື inbox ສອບຖາມໄດ້ທີ່ ເພຈ: Lao Super Model
ຫລືໂທຣ/whatsapp: 020 22 479 479/020 91 462 699

ຖ້າໜຸ່ມ-ສາວ ຫຼື ນ້ອງໆຄົນໃດທີ່ຄິດວ່າຕົນເອງມີຄວາມພ້ອມກໍ່ລອງເຂົ້າໄປສະໝັກກັນຫຼາຍໆ ມີດີຕ້ອງໂຊພາວ ປະກາດໃຫ້ໂລກຮູ້ໄປເລີຍ ຢ່າເກັບໄວ້ເບິ່ງຄົນດຽວທີ່ເຮືອນ ແອັດເສຍດາຍ ເອົາເປັນວ່າງ່າຍໆ ຄືງານນີ້ບໍ່ຄວນພາດ! ຈົບ.