spot_img
Home​ຂ່າວທ່ອງທ່ຽວໃຊ້ງົບປະມານ 7 ຕື້ກ່ວາກີບ ກຽມປະຕິສັງຂອນຫໍພະແກ້ວ ເດືອນຕຸລາສົກນີ້!

ໃຊ້ງົບປະມານ 7 ຕື້ກ່ວາກີບ ກຽມປະຕິສັງຂອນຫໍພະແກ້ວ ເດືອນຕຸລາສົກນີ້!

Published on

 

​ໃນວັນທີ 13 ສິງຫາ 2014 ຜ່ານມານີ້ ຢູ່ຫ້ອງວ່າການປົກຄອງນະຄອນຫລວງວຽງຈັນ ໄດ້ມີກອງປະຊຸມປຶກສາຫາລື

ກະກຽມປະຕິສັງຂອນຫໍພະແກ້ວ ເຊຶ່ງເປັນມໍລະດົກອັນລ້ຳຄ່າ ທາງດ້ານວັດທະນະທຳຂອງຊາວລາວທັງຊາດ, ໂດຍ

ການໃຫ້ກຽດເຂົ້າຮ່ວມເປັນປະທານຂອງທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນຕີວ່າການ

ກະຊວງສຶກສາທິການ ແລະ ກິລາ ຜູ້ຊີ້ນຳວຽກງານຂົງເຂດວັດທະນະທຳ-ສັງຄົມ, ທ່ານ ສາຍທອງ ແກ້ວດວງດີ ຮອງ

ເຈົ້າຄອງນະຄອນຫລວງວຽງຈັນ, ບັນດາພະເຖລານຸເຖລະ ແລະ ຕົວແທນອົງການຈັດຕັ້ງທີ່ກ່ຽວຂ້ອງຈາກພາກສ່ວນ

ຕ່າງໆເຂົ້າຮ່ວມຢ່າງພ້ອມພຽງ.

 

ໃນກອງປະຊຸມຜູ້ເຂົ້າຮ່ວມໄດ້ປະກອບຄຳຄິດຄຳເຫັນ ຫາລືຫລາຍບັນຫາທີ່ສຳຄັນ ກ່ຽວກັບການກະກຽມປະຕິສັງ

ຂອນຫໍພະແກ້ວ ທີ່ຖືກຊຸດໂຊມມາຫລາຍແລ້ວ, ທັງນີ້ກໍເພື່ອແນໃສ່ອະນຸລັກຮັກສາມໍລະດົກອັນລ້ຳຄ່າ ໃຫ້ຍືນຍົງ

ຄົງຢູ່ດ້ວຍ​ຮູບ​ຮ່າງ​ ແລະ ສີສັນ​ແບບ​ດັ່ງ​ເດີມ​ ທີ່​ບັນພະ​ບູລຸດຂອງ​ຊາດ​ລາວ​ເຮົາ​ໄດ້​ສ້າງ​ມາ, ເຊຶ່ງການສ້ອມແປງຈະ

ເລັງໃສ່​ໃຫ້​ທ່ວງທັນ​ກັບ​ການສະເຫລີ​ມສະ​ຫລອງ​ ວັນ​ສ້າງ​ຕັ້ງ​ຫໍພະ​ແກ້ວ​ຄົບຮອບ 450 ປີ (ຄສ. 1565-2015), ພ້ອມ

ກັນນັ້ນ ການສະ​ເຫລີ​ມສະຫລອງ​ສອງ​ວັນ​ປະຫວັດສາດ​ທີ່​ອັນໃຫຍ່​ຂອງ​ຊາດ​ຄື​ ວັນ​ສ້າງ​ຕັ້ງ​ພັກ​ປະຊາຊົນ​ປະຕິວັດ

​ລາວຄົບ​ຮອບ 60 ປີ ແລະ ວັນ​ສະຖາ​ປານາ ສປປ ລາວຄົບຮອບ 40 ປີ ໃນ​ປີ 2015 ທີ່ຈະ ມາເຖິງ.

 

ກອງ​ປະຊຸມດັ່ງກ່າວ ໄດ້​ມີ​ການ​ແຕ່ງ​ຕັ້ງຄະນະອະນຸກຳມະການ ເພື່ອ​ຮັບຜິດຊອບ​ວຽກ​ງານ​ຕ່າງໆລວມ​ໄປ​ເຖິງວຽກ

ງານການ​ຄຸ້ມ​ຄອງ​ບໍລິຫານ,​ ວຽກງານດ້ານ​ວິຊາ​ການ​ເຕັກນິກ, ວຽກງານແຜນງົບປະມານ, ວຽກງານແຜນການ​ກະ

ກຽມພິທີ​ເປີດ​ໂຄງການ, ວຽກງານໂຄສະນາ​ປະຊາສຳພັນ ແລະ ອື່ນໆ. ຕາມການລົງສຳຫລວດຕົວຈິງຂອງໜ່ວຍ

ງານວິຊາການເຕັກນິກ ໂຄງການປະຕິສັງຂອນຫໍພະແກ້ວນັ້ນ ມີ 3 ວຽກໃຫຍ່ທີ່ຕ້ອງຮີບຮ້ອນໃນການປະຕິສັງຂອນ

ຄື: ໂຄງຫລັງຄາ, ຝາທັງ 4 ດ້ານ ແລະ ພື້ນລະບຽງຊັ້ນເທິງ ຈະຕົກເປັນມູນຄ່າທັງໝົດປະມານ 7 ຕື້ກີບ, ຄາດວ່າການ

ປະຕິສັງຂອນຕົວຈິງຈະມີຂຶ້ນ ລະຫວ່າງເດືອນຕຸລາ 2014 ນີ້.

 

ແຫຼ່ງຂ່າວ: http://laophatthananews.blogspot.com/2014/08/blog-post_90.html

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...