ໃສ້ບືເດັກນ້ອຍເກີດໃໝ່ ຈະແຫ້ງ ແລະ ຫຼຸດໄປຫຼັງຈາກເກີດແລ້ວປະມານ 7-10 ມື້ ຜູ້ເປັນພໍ່ແມ່ມືໃໝ່ສ່ວນຫຼາຍຈະກັງວົນໃນການເຮັດຄວາມສະອາດໃສ້ບື ແລະ ພໍ່ແມ່ຫຼາຍຄົນກໍ່ອາດຈະຍັງບໍ່ຮູ້ວ່າສິ່ງທີ່ເຮົາທາໃຫ້ລູກເປັນປະຈຳນັ້ນຫາກໄປຖືກໃສ້ບືລູກກໍ່ອາດຈະເຮັດໃຫ້ເກີດເຊື້ອພະຍາດກັບລູກໄດ້ ສະນັ້ນໃນຄໍລຳ ແມ່ ແລະ ລູກ ມື້ນີ້ແອັດເລີຍມີ 5 ສິ່ງທີ່ບໍ່ຄວນທາຖືກໃສ້ບືລູກນ້ອຍມາຝາກ
ຫ້າມທາຢາແກ້ທ້ອງອືດຖືກບໍລິເວນໃສ້ບືລູກ ເພາະຈະເຮັດໃຫ້ບໍລິເວນໃສ້ບືລູກນ້ອຍນັ້ນເກີດຄວາມຊຸ່ມ ອັກເສບໄດ້ງ່າຍ
ຫ້າມທາແປ້ງຖືກໃສ້ບືລູກ ເພາະແປ້ງຈະໄປອຸດຕັນໃສ້ບືຂອງລູກ ຈົນເກີດການອັກເສບຂຶ້ນໄດ້ ໂດຍສະເພາະລູກນ້ອຍບາງຄົນເມື່ອໃສ້ບືແຫ້ງຫຼຸດອອກແລ້ວອາດຍັງມີນ້ຳເຫຼືອງຊຶມອອກມາຢູ່ ແມ່ນຫ້າມໃຫ້ແປ້ງຖືກເດັດຂາດ ເພາະແປ້ງທີ່ໄປປົນກັບນ້ຳເຫຼືອງອາດເປັນຕົວກະຕຸ້ນໃຫ້ໃສ້ບືເກີດການອັກເສບຢ່າງຮຸນແຮງໄດ້
ຫ້າມໃສ່ຜ້າອ້ອມປິດໃສ້ບືເດັກນ້ອຍເກີດໃໝ່ ເພື່ອປ້ອງກັນການຖືກກົດທັບເປັນເວລາດົນຈາກຜ້າອ້ອມຈົນເຮັດໃຫ້ເກີດການອັບຊຸ່ມທີ່ໃສ້ບືໄດ້
ຫ້າມທາໂລຊັ່ນຖືກໃສ້ບືເດັກເກີດໃໝ່ ເພາະຈະເຮັດໃຫ້ໃສ້ບືເກີດເຊື້ອຣາໄດ້ງ່າຍ
ຫ້າມແກະໃສ້ບືເດັກເກີດໃໝ່ ຫຼັງຈາກໄປ 7-10 ມື້ໃສ້ບືລູກຈະຫຼຸດອອກເອງຕາມທຳມະຊາດ ຖ້າຍັງບໍ່ທັນຫຼຸດອອກພໍ່ແມ່ກໍ່ບໍ່ຄວນແກະອອກ ເພາະຈະເຮັດໃຫ້ໃສ້ບືລູກເກີດອັກເສບໄດ້ງ່າຍ
ເຊັດໃສ້ບືດ້ວຍແອລກໍຮໍເທົ່ານັ້ນ ຫຼັງຈາກອາບນ້ຳແລ້ວກໍ່ໃຫ້ເຊັດໃສ້ບືດ້ວຍແອລກໍຮໍ 70% ເວລາເຊັດກໍ່ເຮັດຄ່ອຍໆ ມືເບົາໆ ລູກຈິ່ງບໍ່ຮູ້ສຶເຈັບ.