ເວັບໄຊຂ່າວມະຫາຊົນລາຍງານເມື່ອວັນທີ 7 ມີນາ 2017 ນີ້ວ່າ ປະທານາທິບໍດີ ໂດນັລ ທຣັມ ຂອງສະຫະລັດອາເມ ລິກາໄດ້ລົງນາມໃນຄຳສັ່ງຜູ່ບໍລິຫານສະບັບໃໝ່ ຫ້າມ ມຸສລິມ 6 ຊາດ ເດີນທາງເຂົ້າສະຫະລັດເປັນເວລາ 90 ວັນແລ້ວ ຫຼັງມີຄຳສັ່ງເກົ່າຖືກລະງັບການບັງຄັບໃຊ້ໂດຍຄຳສັ່ງຂອງຜູ່ພິພາກສາ
ໃນຄຳສັ່ງໃໝ່ໄດ້ຍົກລີກການຫ້າມຊາວອິຣັກເດີນທາງເຂົ້າສະຫະລັດໂດຍລະບຸວ່າ ເພາະປັດຈຸບັນມີຄວາມຕົກລົງໃໝ່ກ່ຽວກັບມາດຕະການຄັດເລືອກຜູ່ຂໍວີຊ່າໃນອິຣັກໃຫ້ຮອບຄອບຫຼາຍຂຶ້ນ ແຕ່ຄຳສັ່ງນີ້ຍັງມີຜົນໃຊ້ກັບຊາວ ອີຫລ່ານ, ລິເບຍ, ຊີເຣຍ, ໂຊມາເລຍ, ຊູດານ ແລະ ເຢເມນຄືເກົ່າ.
ເຊິ່ງຄຳສັ່ງຫຼ້າສຸດນີ້ຈະມີຜົນບັງຄັບໃຊ້ໃນວັນທີ 16 ມີນາ 2017 ນີ້ ເພື່ອປ້ອງກັນຜົນກະທົບທີ່ອາດຈະເກີດຂຶ້ນຈາກຜູ່ທີ່ກຳລັງຢູ່ໃນລະຫວ່າງການເດີນທາງ ເຊິ່ງຕ່າງຄຳສັ່ງເກົ່າທີ່ໃຫ້ມີຜົນບັງຄັບໃຊ້ໃນວັນລົງນາມເມື່ອວັນທີ 27 ມັງກອນ 2017 ທີ່ຜ່ານມາ ຈົນສົ່ງຜົນໃຫ້ເກີດບັນຫາ ແລະ ຄວາມປັ່ນປ່ວນວຸ້ນວາຍທົ່ວສະໜາມບິນຕ່າງໆຂອງສະຫະລັດ