ເກີດເຫດປຸ້ນເງິນຄັ້ງໃຫຍ່ທີ່ສຸດໃນປະຫວັດສາດຂອງຊິລີ ແກ໊ງຄົນຮ້າຍລົງມືປຸ້ນເງິນມະຫາສານ ປະມານ 8 ລ້ານໂດລາ

ສະຫະລັດ ທີ່ສະໜາມບິນໃນເມືອງຫຼວງຊັນຕິອາໂກ ໃນຂະນະທີ່ພະນັກງານຂອງບໍລິສັດຮັກສາຄວາມປອດໄພ ບຣິງສ໌

ກຽມນຳເອົາເງິນຂຶ້ນເຮືອບິນໄປສົ່ງໃຫ້ລູກຄ້າທາງພາກເໜືອ.

ສຳນັກຂ່າວຂອງຕ່າງປະເທດລາຍງານວ່າ ເກີດເຫດການປຸ້ນຄັງໃຫຍ່ ທີ່ສະໜາມບິນໃນນະຄອນຫຼວງຊັນຕິອາໂກຂອງ

ປະເທດຊິລີ ເມື່ອຕອນຂ້ອນແຈ້ງຂອງວັນພຸດທີ 13 ສິງຫາ 2014 ທີ່ຜ່ານມາ ຕາມເວລາໃນທ້ອງຖິ່ນ ໂດຍແກ໊ງຄົນຮ້າຍ

ມີທັງໝົດ 8 ຄົນ ແລະ ທັງໝົດໄດ້ສວມໝວກປິດບັງໃບໜ້າ ລົງມືປຸ້ນເງິນຢ່າງໜ້າເກງຂາມ ຈຳນວນ 4,000 ລ້ານເປ

ໂຊ ຫຼື ປະມານ 8 ລ້ານໂດລາສະຫະລັດ ຂອງບໍລິສັດ ບຣິງສ໌ ເຊິ່ງເປັນບໍລິສັດທີ່ໃຫ້ບໍລິການດ້ານຄວາມປອດໄພ ຈົນນັບ

ເປັນເຫດການປຸ້ນເງິນຄັ້ງໃຫຍ່ທີ່ສຸດ ໃນປະຫວັດສາດຂອງປະເທດຊິລີ.

ຂ່າວແຈ້ງວ່າ ພະນັກງານຂອງບໍລິສັດ ບຣິງສ໌ ໄດ້ຂັບລົດຍົນຂອງບໍລິສັດ ເຊິ່ງເປັນລົດກັນກະສຸນເຂົ້າມາຈອດທີ່ຄັງສິນຄ້າ

ຂອງສະໜາມບິນ ຊັນຕິອາໂກ ເມື່ອເວລາປະມານ 5 ໂມງ 00 ນາທີ ຕາມເວລາໃນທ້ອງຖິ່ນ, ຈາກນັ້ນ ໃນຕອນທີ່ເຈົ້າໜ້າ

ທີ່ກຳລັງຈະນຳເອົາກະເປົາເງິນ ລຳລຽງຂຶ້ນເຮືອບິນໂດຍສານ ເພື່ອຈະສົ່ງມອບໃຫ້ກັບລູກຄ້າ ເຊິ່ງເປັນທະນາຄານຫຼາຍ

ແຫ່ງແລະ ບໍລິສັດບໍ່ແຮ່ທາງພາກເໜືອ ແຕ່ທັນໃດນັ້ນ ກໍມີກຸ່ມຄົນຮ້າຍໄດ້ລົງມືປຸ້ນເງິນໄປທັນທີ ພ້ອມກັບນຳເອົາເງິນ

ສົດຂຶ້ນລົດ ແລ້ວຂັບຫຼົບໜີໄປທາງຣັນເວຂອງສະໜາມບິນ ຈາກນັ້ນກໍມີການໂຮຍຕະປູເຮືອໃບ ເພື່ອຂັດຂວາງການຖືກ

ໄລ່ຕິດຕາມຈັບກຸມອີກດ້ວຍ.

ທັງນີ້ ບໍລິສັດ ບຣິງສ໌ ກໍເຄີຍຖືກປຸ້ນເງິນທີ່ສະໜາມບິນໃນນະຄອນຫຼວງຊັນຕິອາໂກມາແລ້ວຄັ້ງໜຶ່ງ ເຊິ່ງຕ້ອງໄດ້ສູນ

ເສຍເງິນໄປເຖິງ 922 ລ້ານເປໂຊ ເມື່ອປີ 1999.