ທາງການມຽນມ້າ ຍຶດຢາເສບຕິດມູນລ່າກ່ວາ 7.3 ລ້ານໂດລາສະຫະລັດ ໃນປ່າຂອງເຂດສາມຫຼ່ຽມຄຳ ໂດຍເຈົ້າໜ້າທີ່ຕຳ
ຫລວດໄດ້ເປີດເຜີຍໃນວັນທີ 12 ສິງຫາ 2014 ທີ່ຜ່ານມາວ່າ ເຈົ້າໜ້າທີ່ທະຫານ ແລະ ຕຳຫລວດ ໄດ້ສົນທິກຳລັງກັນ ເຂົ້າ
ປະຕິບັດການໃນເຂດລັດຊານຕາເວັນອອກ ເຊິ່ງໄດ້ຂຸດເອົາຢາເສບຕິດຈຳນວນມະຫາສານ ທີ່ຖືກຝັງຢູ່ໃຕ້ດິນ ອັນປະ
ກອບດ້ວຍ ເຮໂລອິນ, ຝິ່ນ ແລະ ຢາບ້າເກືອບ 2 ລ້ານເມັດ.
ມຽນມ້າໄດ້ຈັບຍຶດຢາເສບຕິດຈຳນວນມະຫາສານຫຼາຍຄັ້ງໃນປີນີ້ ໃນຄວາມພະຍາຍາມທີ່ຈະຄວບຄຸມການຂະຫຍາຍຕົວ
ຂອງການຄ້າຢາເສບຕິດ ທີ່ຫຼັ່ງໄຫຼເຂົ້າມາໃນພື້ນທີ່ ທັງເຮໂລອິນ ແລະ ຢາບ້າ.
ສຳນັກງານວ່າດ້ວຍຢາເສບຕິດ ແລະ ອາຊະຍາກຳແຫ່ງສະຫະປະຊາຊາດ (UNODC) ໄດ້ລະບຸວ່າ 10% ຂອງຝິ່ນໃນໂລກນີ້
ຖືກຜະລິດຂຶ້ນໃນມຽນມ້າ ເຊິ່ງເຮັດໃຫ້ມຽນມ້າກາຍເປັນຜູ້ຜະລິດຢາເສບຕິດລາຍໃຫຍ່ອັນດັບ 2 ຂອງໂລກ ຮອງຈາກອັບ
ການິດສະຖານ.
ໃນເດືອນມິຖຸນາ 2014 ທີ່ຜ່ານມາ ລັດຖະບານມຽນມ້າ ໄດ້ເຜົາທຳລາຍຢາເສບຕິດທີ່ຍຶດໄດ້ປະມານ 130 ລ້ານໂດລາ ທີ່ປະ
ກອບໄປດ້ວຍ ຝິ່ນ 1.3 ໂຕນ, ເຮໂຣອິນ 225 ກິໂລ ແລະ ຢາບ້າອີກ 1.2 ລ້ານໂຕນ ເນື່ອງໃນວັນຕ້ານຢາເສບຕິດໂລກ.