ເວັບໄຊຂ່າວສົດ ລາຍງານເມື່ອວັນທີ 2 ມີນາ 2017 ວ່າ ກໍລະນີເວັບໄຊ ບໍລິສັດ ລ໊ອດເຕ້ ກຣຸ໊ບ ທຸລະກິດຍັກໃຫຍ່ຂອງເກົາຫຼີໃຕ້ ຖືກໄວຣັສຄອມພິວເຕີຫຼິ້ນງານຈົນໃຊ້ງານບໍ່ໄດ້ເມື່ອວັນທີ 1 ມີນາ ທີ່ຜ່ານມາ ນັ້ນ. ສຳນັກຂ່າວຍອນຮັບຂອງເກົາຫຼີໃຕ້ລາຍງານວ່າ ເປັນການໂຈມຕີໂດຍແຮັກເກີ້ຈີນ ແລະ ມີສາເຫດມາຈາກຂໍ້ພິດພາດຄວາມໝັ້ນຄົງລະຫວ່າງປະເທດ ຂະນະທີ່ລັດຖະບານເກົາຫຼີໃຕ້ໄດ້ຖະແຫລງວ່າ ປັດຈຸບັນເກີດຄວາມວິຕົກກັງວົນຕໍ່ເຫດການດັ່ງກ່າວ.
ຂໍ້ພິດພາດດັ່ງກ່າວມາຈາກການທີ່ລ໊ອດເຕ້ ກຣຸ໊ບ ເຫັນດີໃນການແລກປ່ຽນພື້ນທີ່ໜື່ງໃນສະໜາມ ກ໊ອຟ ຂອງບໍລິສັດໃນແຂວງ ຊອງຈູ ທາງພາກໃຕ້ ແລະ ພື້ນທີທາງທະຫານຂອງສະຫະສັດສ່ວນໜຶ່ງໃກ້ກັບນະຄອນຫຼວງ ໂຊລ ສຳລັບຕິດຕັ້ງລະບົບຂີປະນາວຸດໃນລະດັບບັນຍາກາດຊັ້ນສູງ (THAAD) ເພື່ອຕໍ່ຕ້ານການຄຸກຄາມດ້ວຍ ຂີປະນາວຸດຈາກເກົາຫຼີເໜືອ ແຕ່ການຕິດຕັ້ງລະບົບດັ່ງກ່າວນັ້ນຖືກຈີນຕໍ່ຕ້ານຢ່າງໜັກ ເພາະເປັນລະບົບທີ່ກວດຈັບຂີປະນາວຸດໄວຍະລ້ຳເຂົ້າໄປເຖິງແຜ່ນດິນຈີນ ເຊິ່ງຈີນມີແນວໂນ້ມຈະຕໍ່ຕ້ານສິນຄ້າຂອງ ລ໊ອດເຕ້ ບໍ່ໃຫ້ນຳເຂົ້າປະເທດອີກດ້ວຍ