ໜັງສືພິມລາວພັດທະນາ ລາຍງານເມື່ອວັນທີ 01 ມີນາ 2017 ນີ້ວ່າ ສະຫຼຸບຕົວເລກນັກທ່ອງທ່ຽວພາຍໃນປີ 2016 ທີ່ເຂົ້າມາທ່ຽວລາວ ຫຼຸດລົງຫຼາຍເກືອບ 10% ເມື່ອທຽບກັບປີ 2015.

ທ່ານ ອາລຸນ ບຸນມີໄຊ ຫົວໜ້າກົມພັດທະນາການທ່ອງທ່ຽວກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ລາຍງານໃຫ້ຮູ້ໃນວັນທີ 28 ກຸມພາ 2017 ທີ່ຜ່ານມາວ່າ: ປີ 2016 ຜ່ານມາ, ຕົວເລກນັກທ່ອງທ່ຽວທີ່ເຂົ້າມາຢ້ຽມຢາມ ແລະ ທ່ອງທ່ຽວ ຢູ່ ສປປ ລາວ ໃນປີ 2016 ມີປະມານ 4,2 ລ້ານຄົນ ແລະ ເມື່ອທຽບກັບປີ 2015 ທີ່ມີປະມານ 4,6 ລ້ານຄົນ, ເຫັນວ່າຫລຸດລົງຫລາຍເກືອບ 10% ຫລື ປະມານ 4 ແສນຄົນ, ຊຶ່ງສ່ວນໃຫຍ່ແມ່ນນັກທ່ອງທ່ຽວຈາກປະເທດອາເມລິກາ ແລະ ບັນດາປະເທດອາຊຽນ, ໂດຍສາເຫດທີ່ພາໃຫ້ຈໍານວນນັກທ່ອງທ່ຽວຫລຸດລົງນີ້ແມ່ນມີທັງປັດໄຈທັງພາຍໃນ ແລະ ພາຍນອກ ຄື: ປະເທດເຮົາບໍ່ທັນມີການພັດທະນາຜະລິດຕະພັນການທ່ອງ ທ່ຽວໃໝ່, ການອໍານວຍຄວາມສະດວກໃນການເຂົ້າ-ອອກຍັງບໍ່ທັນເຮັດບໍ່ທັນໄດ້ດີ, ສິ່ງດຶງດູດ ຫລື ການບໍລິການນັກທ່ອງທ່ຽວຍັງມີຂອດຈໍາກັດ, ການໂຄສະນາຕະຫລາດທ່ອງທ່ຽວຍັງເຮັດໄດ້ໜ້ອຍບໍ່ສາມາດເຂົ້າເຖິງກຸ່ມເປົ້າ ໝາຍໄດ້ດີເທົ່າທີ່ຄວນ, ບວກກັບບັນດາປະເທດອ້ອມຂ້າງໄດ້ເອົາໃຈໃສ່ຢ່າງຈິງຈັງຕໍ່ວຽກງານທ່ອງທ່ຽວ ແລະ ລາຄາການທ່ອງທ່ຽວຖືກກວ່າອີກດ້ວຍ.