ບັນເທີງຕ່າງແດນ ກັບ ລາວໂພສຕ໌ ມື້ນີ້ແອັດມີຂ່າວຄາວທີ່ກຳລັງເປັນກະແສວິພາກວິຈານໜາຫູແຫ່ງວົງການ ຮໍລິວູ໊ດ ໃນງານປະກາດຜົນລາງວັນ ອະຄາເດມີ ອາວອສ ຫຼື “ອອສກາຣ໌” ຄັ້ງທີ 89 ມາອັບເດດ.

ກາຍເປັນເລື່ອງຜິດພາດຄັ້ງປະຫວັດສາດຂອງການປະກາດຜົນລາງວັນ ອະຄາເດມີ ອາວອສ ຫຼື “ອອສກາຣ໌” ຄັ້ງທີ 89 ທີ່ຈັດຂຶ້ນໃນຄ່ຳຄືນຂອງວັນທີ 26 ກຸມພາ 2017 ຕາມເວລາໃນສະຫະລັດອາເມລິກາ ແລະ ກົງກັບເຊົ້າວັນຈັນ ທີ 27 ກຸມພາ ຕາມເວລາບ້ານເຮົາ ໂດຍ ຈິມມີ ຄິມເມລ ພິທີກອນຄົງດັງ ໄວອາຍຸ 49 ປີ ຮັບໜ້າທີ່ເປັນພິທີກອນຮ່ວມປະກາດລາງວັນເປັນຄັ້ງທຳອິດຂອງລາວ ໄດ້ປະກາດລາງວັນທີ່ໃຫຍ່ທີ່ສຸດໃນງານ ຄື ລາງວັນຮູບເງົາດີເດັ່ນ ທີ່ມີການປະກາດຊື້ຄັ້ງທຳອິດເປັນ “ລາ ລາ ແລນ” ຈົນເຮັດໃຫ້ພິທີກອນຮ່ວມອີກຄົນໄດ້ປະກາດໃໝ່ອີກຄັ້ງ ເປັນ “ມູນໄລທ” ງານນີ້ເຮັດໃຫ້ຜູ້ຊົມທົ່ວໂລກທັງໃນໂຮງລະຄອນ ດໍຣບີ ເທຍເຕີ ໃນຮໍລີວູ໊ດ ແລະ ຜູ້ຊົມທົ້ວໂລກຕ່າງງົງໄປຕາມໆກັນ ຈົນໄດ້ມີຢືນຢັນດ້ວຍການເປັນຜົນລາງວັນນັ້ນໂຊໃຫ້ທຸກຄົນໄດ້ເບິ່ງ