ໃນຄໍລຳຊີວິດ ກັບ ຄວາມຮັກ ມື້ນີ້ ແອັດມິນມີເລື່ອງລາວຄວາມຮັກຕ່າງໄວຂອງຄູ່ຮັກຊາວ ອນໂດເນເຊຍ ທີ່ຕອນນີ້ກຳລັງໂດ່ງດັງໃນໂລກໂຊຊຽວມານຳສະເໜີ
ເປັນເລື່ອງລາວຄວາມຮັກທີ່ເກີດຂຶ້ນຈິງລະຫວ່າງ ແມ່ເຖົ້າໄວອາຍຸ 82 ປີ ທີ່ມາຊື່ວ່າ Martha Potu ກັບແຟນໜຸ່ມໄວອາຍຸ 28 ປີ ທີ່ມີຊື່ວ່າ Sofian Loho Dandel ອາຊີບກຳມະກອນຄົນສິນຄ້າຢູ່ທີ່ເກາະ Mantehage ປະເທດອິນໂດເນເຊຍ, Sofian ໄດ້ເລົ່າເລື່ອງລາວຄວາມຮັກຄັ້ງນີ້ນັກຂ່າວອິນໂດເນເຊຍຄົນໜຶ່ງວ່າ: “ປີກາຍນີ້ລາວໄດ້ຮັບສາຍໂທລະສັບເບີແປກ ຈາກຜູ້ຍິງຄົນໜຶ່ງທີ່ໂທເຂົ້າມາຜິດເບີ ເລື່ອງລາວມັນກໍ່ເກີດຂຶ້ນ ເພາະນັບຕັ້ງແຕ່ມື້ນັ້ນມາພວກເຂົາທັງສອງໄດ້ສົນທະນາກັນ, ຮຽນຮູ້ເຊິ່ງກັນ ແລະ ກັນ ຜ່ານທາງໂທລະສັບ ຈົນເຮັດໃຫ້ເກີດຄວາມຮູ້ສຶກຮັກ ເວລາຜ່ານໄປເປັນເດືອນ ດ້ວຍຄວາມຮູ້ສຶກຮັກ ແລະ ໂຫຍຫາ Sofian ຈິ່ງຕັດສິນໃຈເດີນທາງມາທີ່ Lelema ໆູ່ບ້ານໃນພາກໃຕ້ຂອງເມືອງ Minahasa ເຊິ່ງເປັນໄລຍະທາງກວ່າ 120 ກິໂລແມັດ ເພື່ອຈະມາພົບກັບ Martha Potu ຜູ້ຍິງທີ່ປ່ຽນຊີວິດຂອງເຂົາ Sofian ກ່າວວ່າທຳອິດທີ່ພົບກັບ Martha Potu ລາວບໍ່ໄດ້ກ່າວຫຍັງ ພຽງຮູ້ສຶກຕົກໃຈເລັກໜ້ອຍທີ່ຮູ້ວ່າແມ່ຍິງທີ່ລາວຕົກຫຼຸມຮັກນັ້ນແມ່ນແມ່ເຖົ້າອາຍຸ 82 ປີ ແຕ່ນີ້ມັນກໍ່ແມ່ນເລື່ອງຈິງ ເຂົາກໍ່ຍັງຮັກ ແລະ ສານສຳພັນຕໍ່ໄປ”
ເສັ້ນທາງຄວາມຮັກຂອງທັງສອງບໍ່ໄດ້ໂຮຍດ້ວຍກີບກຸຫຼາບ ເພາະຄອບຄົວຂອງທັງສອງຝ່າຍຕ່າງຄັດຄ້ານ ໂດຍສະເພາະຝ່າຍຊາຍທີ່ອາຍຸພຽງ 28 ປີ ແຕ່ກັບມີຄວາມຮັກກັບແມ່ຍິງທີ່ອາຍຸຫຼາຍກວ່າ 54 ປີ ແຕ່ພວກເຂົາທັງສອງກໍ່ຢືນຢັນກັບຄວາມຮັກຄັ້ງນີ້ ແລະ ໃນທີ່ສຸດຄວາມຮັກຂອງທັງຄູ່ກໍ່ຈົບລົງດ້ວຍການແຕ່ງງານ