ເວັບໄຊ ຂ່າວ ມະຕິຊົນ ລາຍງານເມື່ອວັນທີ 25 ກຸມພານີ້ວ່າ ສານດານບິນປາກິສຖານ ອິນເຕີເນຊັ່ນແນລ ແອຣໄລນ໌ ຫຼື ພີໄອເອອອກມາຍອມຮັບວ່າ ໄດ້ວຂາຍຕົວໃຫ້ຜູ້ໂດຍສານ 7 ຄົນໃນທ້ຽວບິນທີ່ເດີນທາງຈາກເມືອງກາຣາຈີ ຂອງປາກິສຖານ ໄປທີ່ເມືອງ ເມດີນາຂອງ ຊາອຸດິອາຣະເບຍ ເມື່ອວັນທີ 20 ມັງກອນ 2017 ທີ່ຜ່ານມາ
ເຮືອບິນໂບອິ້ງ 777 ບັນຈຸຄົນໄດ້ 409 ບ່ອນນັ່ງ ລວມທີ່ນັ່ງຂອງພະນັກງານ ແຕ່ປະກົດວ່າທ້ຽວບິນຂອງວັນທີ 20 ມັງກອນ 2017 ນັ້ນມີຜູ້ໂດຍສານລວມທັງໝົດ 416 ເຊິ່ງໄດ້ເກີນບ່ອນນັ່ງເຖິງ 7 ຄົນ ໂດຍພະນັກງານພາກພື້ນດິນຂອງສາຍການບິນໄດ້ຂຽນ ບອດດິງພາສດ້ວຍລາຍມືເພື່ອໃຫ້ຜູ້ໂດຍສານນຳໄປໃຊ້ຢື່ນທີ່ເຮືອບິນໃນເວລາຢູ່ໃນເຄື່ອງ
ລາຍງານລະບຸວ່າ ນີ້ຖືເປັນຄັ້ງທຳອິດທີ່ພົບວ່າສາຍການບິນ ພີໄອເອໄດ້ອະນຸຍາດໃຫ້ຜູ້ໂດຍສານຂຶ້ນເຮືອບິນເກີນກຳນົດທີ່ວາງໄວ້.
ຂະນະທີ່ກັບຕັນຂອງເຮືອບິນລຳດັ່ງກ່າວລະບຸວ່າ ບໍ່ເຄີຍຮູ້ຂໍ້ມູນຂອງຜູ້ໂດຍສານທີ່ເພີ່ມຂຶ້ນຈົນເມື່ອນຳຍົນຂຶ້ນບິນແລ້ວ ແລະ ເຂົາບໍ່ເຄີຍໄດ້ຮັບແຈ້ງຂໍ້ມູນໃດໆ ຈາກເພີເຊີໃນເລື່ອງດັ່ງກ່າວ ກ່ອນທີ່ເຮືອບິນຈະປິດປະຕູ ດັ່ງນັ້ນເມື່ອນຳເຮືອບິນຂຶ້ນໄປແລ້ວ ກໍ່ບໍ່ສາມາດນຳເຮືອບິນກັບລົງມາຈອດທີ່ສະໜາມບິນຄືນໃນເວລານັ້ນໄດ້ ເພາະບໍ່ສອດຄ່ອງກັບນະໂຍບາຍຂອງສາຍການບິນ.
ໂຄສົກຂອງສາຍການບິນພີໄອເອລະບຸວ່າ ເລື່ອງນີ້ກຳລັງມີການສອບສວນ ແລະ ດຳເນີນການແບບເໝາະສົມ ແຕ່ຍັງບໍ່ມີການກຳນົດວັນເວລາຢ່າງຊັດເຈນວ່າຈະໄດ້ຂໍ້ສະຫຼຸບເມື່ອໃດ.