ບັນຫາການປວດປັດສະວະໃນຕອນເດິກເລື່ອຍໆ ບາງຄົນກຳລັງນອນແຊ໊ບໆ ພໍເດິກມາກໍ່ຮູ້ສຶກປວດປັດສະວະເຂົ້າຫ້ອງນ້ຳ ບາງຄືນປວດຮອດ 2-3 ເທື່ອ ເຊື່ອເລີຍວ່າເລື່ອງນີ້ເປັນການລົບກວນການນອນທີ່ສຸດ ຫຼາຍຄົນກໍ່ຄົງເຄີຍເປັນອາການແບບນີ້ ສຳລັບແອັດມິນເປັນຕະຫຼອດ ມື້ນີ້ກໍ່ເລີຍໄປຫາວິທີແກ້ໄຂອາການປວດປັດສະວະຕອນກາງຄືນມາຝາກ ແລ້ວມັນຈະເຮັດແບບໃດນັ້ນເຮົາມາອ່ານພ້ອມກັນເລີຍ
ວິທີແກ້ໄຂ
- ຕ້ອງປ່ຽນແປງພຶດຕິກຳການກິນການດື່ມຂອງຕົນເອງກ່ອນ ເຊັ່ນ: ພໍເວລາຮູ້ສຶກປວດປັດສະວະເບົາໆ ປົກກະຕິພໍປວດປຸບຕ້ອງລຸກໄປເຂົ້າຫ້ອງນ້ຳປັບ ແຕ່ເຮົາລອງປ່ຽນໃໝ່ ເທື່ອນີ້ຕອນທີ່ມັນຍັງບໍ່ທັນປວດແຮງກໍ່ອັ້ນໄວ້ກ່ອນ ພໍໃຫ້ມັນຮູ້ສຶກປວດມາແຮງໆແລ້ວຄ່ອຍໄປຫ້ອງນ້ຳ
- ຫຼັງ 20:00ໂມງ ງົດການດື່ມນ້ຳ, ງົດເຄື່ອງດື່ມທີ່ເປັນນ້ຳທຸກຊະນິດ
- ນອກຈາກງົດດື່ມນ້ຳແລ້ວກໍ່ບໍ່ຄວນກິນໝາກປະເພດ ໝາກນັດ, ອະງຸ່ນ, ແຄນຕາລູ, ໝາກໂມ, ໝາກແຕງ, ສາລີ້ ແລະ ອື່ນໆ
- ເວລານອນພະຍາຍາມເຮັດໃຫ້ຮ່າງກາຍຮູ້ສຶກອຸ່ນສະບາຍ ຢ່າໃຫ້ຮູ້ສຶກເຢັນຫຼາຍ ເພາະຄວາມເຢັນຈະເຮັດໃຫ້ທ່ານປວດປັດສະວະໄດ້
- ບໍ່ຄວນດື່ມນ້ຳເຢັນຫຼາຍ ເພາະນ້ຳເຢັນເປັນຕົວກະຕຸ້ນປັດສະວະໄດ້ເປັນຢ່າງດີ
ຄົນທີ່ມັກປັດສະວະຕອນກາງເດິກເລື່ອຍໆກໍ່ລອງເອົາວິທີຂ້າງເທິງນີ້ໄປໃຊ້ລອງເບິ່ງເດີ້