ຂ່າວບັນເທີງຕ່າງແດນ ມື້ນີ້ແອັດມາຕາມກະແສຂ່າວທີ່ກຳລັງຮືຮາໄປທົ່ວໂລກ ເມື່ອດາລາສາວຄົນດັງແຫ່ງວົງການບອລລີວູ້ດ ຊາວອິນເດຍ ມີນາມວ່າ Bhavana ຖືກອາດີດຄົນຂັບລົດສ່ວນຕົວ ແລະ ຊາຍໜຸ່ມຮ່າງໃຫຍ່ອີກ 2 ຄົນ ຮ່ວມກັນລຸມຂົ່ມຂືນໃນລົດສ່ວນຕົວຂອງນາງດົນເກືອບ 2 ຊົ່ວໂມງ ໃນຄ່ຳຄືນຂອງວັນສຸກທີ່ຜ່ານມາ
ເບື້ອງຕົ້ນທາງເຈົ້າໜ້າທີ່ຕຳຫຼວດໄດ້ຈັບກຸມຜູ້ຖືກຫາໄດ້ແລ້ວ 3 ຄົນ ແລະ ກຳລັງຕາມລ່າຜູ້ຕ້ອງສົງໃສອີກໜຶ່ງຄົນ ເຊິ່ງເປັນອາດີດຄົນຂັບລົດຂອງດາລາສາວຄົນນີ້
ເຈົ້າໜ້າທີ່ລະບຸວ່າ ເຫດການດັ່ງກ່າວເກີດຂຶ້ນຫຼັງລົດສາມລໍ້ຂອງກຸ່ມຄົນຮ້າຍຂີ່ມາຕຳເອົາລົດຂອງດາລາສາວ ເຮັດໃຫ້ທັງສອງເກີດມີປາກສຽງກັນຂຶ້ນ ຕໍ່ມາຄົນຮ້າຍກໍ່ໃຊ້ຈັງຫວະທີບຸກເຂົ້າໄປໃນລົດ ແລະ ບັງຂັບໃຫ້ຄົນຂັບລົດຂອງນາງຂັບລົດວົນໄປມາໃນເມືອງໃນລະຫວ່າງນັ້ນຊາຍທັງສາມຄົນກໍ່ໄດ້ພັດປ່ຽນກັນຂົ່ມຂືນດາລາສາວຄົນນີ້ພ້ອມຖ່າຍຄລິບໄວ້ດົນເກືບ 2 ຊົ່ວໂມງ ກ່ອນສັ່ງໃຫ້ລົດຢຸດ ແລະ ພາກັນຫຼົບໜີໄປ.
ຂ່າວດັ່ງກ່າວກໍ່ໃຫ່ເກີດການແສຄວາມບໍ່ພໍໃຈລຸກລາມໄປທົ່ວອິນເດຍ ຂະນະທີ່ສະມາຊິກຂອງອຸດສະຫະກຳຮູບເງົາທາງຕອນໃຕ້ຂອງອິນເດຍສ່ວນຫຼາຍອອກມາຍອມຮັບວ່າຮູ້ສຶກຊ໊ອກ ແລະ ບໍ່ຢາກເຊື່ອວ່າມັນຈະເກີດເລື່ອງແບບນີ້ຂຶ້ນໄດ້ ບາງລາຍງານກໍ່ລະບຸວ່າມັນເຖິງເວລາແລ້ວທີ່ຈະຕ້ອງຢຸດຕິການຈູດທຽນເພື່ອສະແດງຄວາມເສຍໃຈ ແຕ່ຕ້ອງກັບມາເຮັດໃຫ້ກົດໝາຍເຂັ້ມແຂງຂຶ້ນ ເພື່ອໃຫ້ໝັ້ນໃຈວ່າບໍ່ມີໃຜທີ່ຈະກ້າລົງມືເຮັດເລື່ອງແບບນີ້ອີກ
ແຫລ່ງຂ່າວຈາກ: ເວັບໄຊ໌ ຂ່າວສົດ