5 ກິດຈະກຳຊ່ວຍຜ່ອນຄາຍ ແຖມຮ່າງກາຍຍັງຫຸ່ນດີ
1. ຕີມວຍ ( ຄິກບັອກຊິງ) ຕີໃຫ້ເຊົາກັງວົນ
ແທນທີ່ຈະລະບາຍອາລົມໃສ່ໝອນແບບບໍ່ຢຸດຢັ້ງ ກໍເອົາພະລັງຄວາມກັງວົນທັງໝົດທີ່ມີ ມາຍົກແຂນຂາເຕະຕີ ກັບ ກິດຈະກຳ ຕີມວຍດີກວ່າ ນອກຈາກຈະຊ່ວຍຫລຸດຄວາມຮ້ອນໃນອາລົມຂອງທ່ານແລ້ວ ກໍຍັງຊ່ວຍກະຊັບກ້າມເນື້ອເກືອບທຸກສັດສ່ວນໃນຮ່າງກາຍ ຈາກການບິດແອວໄປມາ ຟິດຮູບຮ່າງໃຫ້ສົມບູນແບບໄດ້ນໍາອີກ
2. ໂຍຄະ ມິດ ເອີ້ນຄວາມສະຫງົບ
ບໍ່ພຽງແຕ່ກິດຈະກຳທີ່ຕ້ອງອອກແຮງຫລາຍເທົ່ານັ້ນ ທີ່ຈະຊ່ວຍໃຫ້ທ່ານເຊົາກັງວົນໄດ້ ແຕ່ກິດຈະກຳ ຢູ່ກັບທີ ກໍ່ຄື ໂຍຄະ ກໍເປັນວິທີຜ່ອນຄາຍຄວາມຕຶງຄຽດໄດ້ ບໍ່ນ້ອຍເຊັ່ນກັນ ໂດຍສະເພາະກັບຄົົນທີ່ອຸກໃຈແລ້ວ ມັກເກັບໂຕຢູ່ງຽບໆ ຄົນດຽວຫລາຍກວ່າຈະອອກໄປໃດ ກໍສາມາດເລືອກເປີດເພງເບົາ ແລ້ວອອກສະເຕັບ ໂຍຄະ ຕາມໃຈ ຍືດເສັ້ນຍືດສາຍ ແລະ ເຮັດສະມາທິໃຫ້ຕົນເອງໜ້ອຍໜຶ່ງ ພຽງແຕ່ເທົ່ານີ້ ກໍຈະຮູ້ສຶກ ສົດຊື່ນໄດ້ແລ້ວ
3. ແລ່ນ ໜີຄວາມອຸກໃຈ
ວິທີໜີຄວາມອຸກໃຈ ທີ່ງ່າຍທີ່ສຸດອີກວິທີໜຶ່ງກໍ ຄື ການແລ່ນ ເພາະການແລ່ນເປັນກິດຈະກຳທີ່ຕ້ອງເຮັດຊ້ຳໆ ຕໍ່ເນື່ອງໄປເລື່ອຍໆ ແຖມບໍ່ແມ່ນກິດຈະກຳທີ່ຕ້ອງໃຊ້ຄວາມຄິດຫລວງຫລາຍ ດັ່ງນັ້ນຫາກທ່ານຕ້ອງການຂັບໄລ່ຄວາມອຸກໃຈອອກໄປຈາກຕົນເອງ
4. ລອຍນໍ້າ ລະລາຍຄວາມໜັກ
ຫາກໃຜມີເລື່ອງໃຫ້ຄິດໜັກ ແລະ ຢາກເອີ້ນສະມາທິ ພ້ອມກັບຜ່ອນຄາຍຄວາມກົດດັນໃຫ້ຕົນເອງ ລອງໂດດລົງສະລອຍນໍ້າ ແລ້ວລອຍວົນໄປວົນມາເລື່ອຍໆ ສາຍນ້ຳເຢັນໆ ຈະຊ່ວຍຍຽວຢາຄວາມຄຽດ ແລະ ຊ່ວຍພະຍຸງຄວາມຮູ້ສຶກຂອງທ່ານໃຫ້ຢູ່ລ້າໆ ບໍ່ຄິດຫລາຍສັບສົນ
5. ຕີດອກປີກໄກ່ ຕີຄວາມອຸກໃຈໃຫ້ແຕກ
ກິດຈະກຳຕີໄປຕີມາລະຫວ່າງຄົນ 2 ຄົນກໍ່ຄືການຕີ ດອກປີກໄກ່ ກໍຊ່ວຍຄາຍຄວາມອຸກໃຈໃຫ້ທ່ານໄດ້ອີກທາງໜຶ່ງ ອີກທັງການອອກແຮງເອີ້ນເຫື່ອ ເໜັງຕີງຂາກໍສາມາດໄລ່ຄວາມເຄັ່ງຕຶງຂອງກ້າມຊີ້ນໄດ້ນໍາອີກ ໄດ້ທັງອອກກຳລັງກາຍ ແລະ ລະບາຍຄວາມຄຽດໄປໃນເວລາດຽວກັນແບບນີ້ ບອກເລີຍວ່າມ່ວນຫລາຍ